Jopgo Po Asęani Elalubo Buku 8:21 - Godigo dwagi yai po buku

²¹ Megi da, Jop, Godigo nago kolesaga doloba pai suali da, agai nage homu wiegi yai ilaibao. Tibaso, nage wiegi yai homu elama, nage gisugu ma weyu, hai waibao.

Jopgo Po Asęani Elalubo Buku 8:21 Referans Kwoze

Godigo Nogi Ugwaba Sabo Tęąbi Po Wabo Buku Dabe 126:2

Tama dago gisugu kisu selama mu wali, tama dago pemene umabo mu ebo tęąbi wali. Tama te Genuai Bidigo po konesiąbo bidi dabego te tiwai po wali, “Genuai Bidigo te genuai sę mu ebogo te Israel dabe tau sabo dao,” wali.

Tigidali Nai Gagalama Nigali Side 21:6

Tama Sarago te po wai, “Godigo wiegi yai kolesaga enabolo ebaso, tama ena wiegi yai homu pemene eyu, tama ena gisugu obao. Tama tigidali bidigo te tiali po odobaso, te augwaligo wiegi yai homu pemene ena dali hodobo yaibao,” wali.

Godigo Nogi Ugwaba Sabo Tęąbi Po Wabo Buku Dabe 126:6

Mu tama dao. Te gela weyu, te nai wai sela pelama, bulugi pali bidi dabe, nosali augwa te wiegi yai pemene ebo tęąbi weyu, tama te tau yali nai dabe selama, asaibao.

Godigo Nogi Ugwaba Sabo Tęąbi Po Wabo Buku Dabe 32:11

Dage te doloba pai we bidi, dage te bugai haliga elama, tama te Genuai Bidigo wiegi yai sę tigidali yalide te wiegi yai homu pemene yao. Dage tigidali we bidi, dage te God gedude doloba pai mu yali, dage te wiegi yai homu pemene elama, tama hae weyu, nogo eleyu yao.

Dwagi Yai Gesi Po Lukgo Asęani 6:21

Dage megi nasi ebo bage, dage bugai homu iyąo. Dage nosali tabiaibao. Dage megi gela wabo bage, dage bugai homu iyąo. Nosali duga gisugu waibao.

Godigo Nogi Ugwaba Sabo Tęąbi Po Wabo Buku Dabe 100:1

Tigidali tǫde we bidi, dagego God dali dwagi yai homu elama, tęąbi wao.

Jopgo Po Asęani Elalubo Buku 5:22

Te moni nasi si asobo sogo me, te dwai sogo me, Godigo nage tonaluaibao, tama nage dwagi yai homu elama, bugagia bidaibao. Tama nage bulu hasa wi me egobeo.

Nehemia 12:43

Te side augwaligo te Godiba ofa hauwa eyu, tama augwa wiegi yai pemene genuai elaluali, magi baso meni, Godigo digi augwali te wiegi yai pemene ilali. Tama te we dabe me, wai puluba dabego me wiegi yai pemene yai. Tama te digibulu bidali we bidi, augwaligo te genuai i wabo me pemene ebo po odai dao.

Godigo Nogi Ugwaba Sabo Tęąbi Po Wabo Buku Dabe 98:4

Dage tǫde we bidi dabe i hae weyu, Genuai Bidiba pemene yao. Te bugai haliga ebo tęąbi hodolama weyu, tama agai nogi ugwaba sao.

Jopgo Po Asęani Elalubo Buku 35:10

Tiali goli, bidi mego e tama tiwai i me wabo menio, ‘Te Godigo ena nigai da. Aga menade bidibowe? Agai da dwai sogo pedalobo si agai dago tabi dili ilama, tama da dwagi yai homu iliyu, balia dabe wabo dao.

Godigo Nogi Ugwaba Sabo Tęąbi Po Wabo Buku Dabe 126:1

Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai.