Jopgo Po Asęani Elalubo Buku 8:2 - Godigo dwagi yai po buku

² “Te bage. Nago po da, dwai goli da, mena sogo nago te kolesaga tagalaibawe? Nago po wabo te wali subigila pabo tiwai dao.

Jopgo Po Asęani Elalubo Buku 8:2 Referans Kwoze

Jopgo Po Asęani Elalubo Buku 15:2

“Jop, nage koneai bidi, tama nage dwagi yai kolesaga elalubo bidi dao. Tiali goli, nago magi baso po hauwa olama, wali asobo tiwai elama, pedauwalidu po hauwa dogia pobawe?

Jopgo Po Asęani Elalubo Buku 6:26

E sęgęgo ena mu dolali. Tama tibaso, eno po dodolama obao, tama dagego homugo, eno po olo wali bola bilibo tiwai yali. Tama dagego homugo dagego ena dodolaibawe?

Te Israel me Juda Hani Sigo Tuni Bidigo Po Elalubo Buku Deli 19:11

Tialima, Genuai Bidigo agabolo te po wali, “Nage te buluba eda teda solama, te eno gesabidide bulu duba doligi soao. Magi baso meni, ena te bulu du pąba aselama paibao,” wali. Tialima, bomai wali me deli asama, te Genuai Bidigo bomode, te waligo te bulu du dabe masigi me pepeda sąwai. Tiali goli, Genuai Bidi aga digi te walide me bidisiąwai. Tialima, wali silama, te tǫ mali pedelali, tiali goli Genuai Bidi te mali ebo tomode me bidibeo.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Jopgo Po Asęani Elalubo Buku 18:2

“Jop, nisu nago pedauwali pania saibawe? Nago naga po bolo hasia bugagia kone palao, tama dago nage dali po waibao.

Jopgo Po Asęani Elalubo Buku 16:3

Dagego enabolo e tama wali, ‘Jop, nago po olo wę asobo tiwai tebao. Tama mena sogo pedauwali pania saibawe? Nago mena homu elaluyu, nage dwai bidiyu, dago po odaibawe? Meniwe te obao. Nago po wei ponoyu naga ebo.’ Dagego te po wabo dao.

Jopgo Po Asęani Elalubo Buku 7:11

“Tama eno te homu ebo sogo, eno pedauwali pani sogobeo. Eno haligade gela genuai mu walama, tama ena sęgę genuai mu tolalio. Tibaso, eno po me waibao.

Jopgo Po Asęani Elalubo Buku 6:9

Eno godolo ebo da, God agai ena sągągo agalama, tama elama, isilimai homu eba.

Ma Dobola Sali 10:7

Tama te tuni bidi aga dali gavman sę ebo bidi dabe augwaligo te tuni bidi dali te po wai, “Odao. Nisu naga sogo dabolo te sęgę mabo bidi da tomode me bidaibawe? Te we bidi dabe naga te augwali te augwa God Genuai Bidibolo lotu wagi peyu pomainao. Nago te Isip tǫ dolali susiąma ebawe?”

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Jopgo Po Asęani Elalubo Buku 8:1

Jopgo po ola silibo si, tama Bildat te Suha bulu tǫ bidigo agabolo e tama wali.

Jeremaia 5:13

Mu tamao, te profet dabego te tobage po pusali, tialima te augwa digi poli po pusali. Genuai Bidigo augwaliba po me masiąwai. Tialima, te aga digi augwali dolaibao.