Jopgo Po Asęani Elalubo Buku 8:13 - Godigo dwagi yai po buku

¹³ Te bidi dabe te God tudiba mubo bidi dabe augwali te nosai dabe tiwai dao. Te bidi dabego augwa dolabo sunumi wali pabo dao. Augwaligo homugo tibo meni, augwali bugagia bidiba homu egobeo. Menio. Augwali olo tama hagawaibao.

Jopgo Po Asęani Elalubo Buku 8:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 9:17

Te dwai bidi dabe, me te God tudiba mubo we bidi hani dabe, te tigidali isimainu ebo dao.

Jopgo Po Asęani Elalubo Buku 13:16

Ma, eno God dali po wabo wi isąma eyu da, eno homugo tibo ena dwai sę isąwai bidi dao homu agai yaibao. Tama agai ena hobede elama, tama ena bugagia bidimainu sula tagalaibao. Magi baso meni. Dwai sę ebo bidi dabego da, God dali po wabo wi yaibao.

Jopgo Po Asęani Elalubo Buku 11:20

Tiali goli, te dwai kolesaga ebo we bidi dabe, augwali Godigo sębę ebo sunumi gedelainu gegaibao. Tiali goli, augwaligo sugobeo. Tama augwali isibo deli naga tonaluyu bidaibao,” Sofargo Jopbolo te po wai.

Bugagia Bidibo Kolesagade Po Asęai Buku 10:28

Te doloba pai bidi dabe te Genuai Bidigo augwaliba te wiegi yai sogo menama, tama te augwa sulama, te augwa wiegi yai pemene yaibao. Tiali goli, te dwai sę ebo bidi dabe da, te odolali tonalueibao. Augwaligo te wiegi yai sogo me sugobeo.

Jopgo Po Asęani Elalubo Buku 15:34

Te bidi hani Godigo po wali pisąma ebo bidi hani da, olo bidaibao. Augwali wai bǫų meni yaibao. Tama te doloba pai kolesaga isąma mone sali bidi dabego be isi ulaibao.

Bugagia Bidibo Kolesagade Po Asęai Buku 12:7

Te dwai kolesaga ebo bidi da, te aga dolama tama silaibao. Tiali goli, te doloba pai bidigo hani da, te bugagia ma dolalubao.

Godigo Nogi Ugwaba Sabo Tęąbi Po Wabo Buku Dabe 50:22

“Te ena tudiba mubo we bidi, dagego odao. Te dage te tiwai tama bididubaso da, teda eno dage dolaibao, tama te bidi me deligo dage ma sainu ebaso, te usu me egobeo.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Bomai Po 8:19

Dagego God dago Genuai Bidi me gegeda pelamuo. Tama dagego tibo god dabe wali pelama, tama augwaliba lotu po me olamuo. Megi eno haninama dagebolo bomona te walibao, ma dagego te po sela sąyani da, teda mu tama o, Godigo dage mu tama dolaibao.

Matyu 24:51

Tama ma aselama, te genuai bidigo te sę bidi mu dolama, tama agai aga te tibo po wabo bidi dabe dali te dwai buluba munama bidaibao. Tede te augwali dwai gela weyu, tama augwa kele halua tuyu bidaibao,” Jisasgo te po wai.

Te We Bidi Dabego Jerusalem Hagede Gela Wali 3:18

Tama tibaso, eno te Genuai Bidigo ena tau somainogo tonalubo sę ebo, te usugobeo. Tama ena tǫde bobobage sogo bidigobeo, te homu ebao.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Jopgo Po Asęani Elalubo Buku 36:13

“Te God tudi ola mabo bidi dabe, augwaligo genuai sęgę augwaliba sabalobo si, augwaligo God dali sębę genuai mu ebo dao. Tama augwaligo Godigo augwali tau somainu i wabo menio.

Jopgo Po Asęani Elalubo Buku 18:14

Augwaligo homugo tibo augwa be dali, augwa mone dali sigo augwaligo bidibo ula usu ilaiba homu ebo dao. Tiali goli, isibo kolesagago augwali augwa bedu guda sąwaibao, tama augwali te isali bidi dabe dali bidigi paibao.

Bomai Po 8:14

teda dage dila pelama, tama hagoma homu elama, tama God dago Genuai Bidi gegeda pelamuo. Agai dage Isip bulude oda sai dao, te dage te olo sę ebo bidi bididuali pesagede.

Bomai Po 8:11

Mosesgo po geninama weyu, te po wali, “Dagego bugagia tonaluiąwe, tiyu dagego God dago Genuai Bidi gegeda pidali weyu. Tiyu dagego Genuai Bidigo haniani bomai po eno dage megi mabo, te bomai po gegeda pidalio.

Bomai Po 6:12

teda dage dua mu dao, tiyu dagego Genuai Bidi gegeda palabuo. Agai digi dage Isipde olo kalabus sę ebo bidi tiwai bidibaso, dage odasa asai dao. Tama agai digi dage Isip bulu tagalama, odasa asai dao.

Jopgo Po Asęani Elalubo Buku 8:12

Tiali goli, wę sula sabo si da, tama te awi dabe te nosai dabe genuai holobo meni, tibo si bidigo tagabo usu ebo menio. Augwali hogodo elalubadi, augwa ma sisibo dao. Te me badu nosai dabe polo sasia pisąma ebo te nosai dabe ebo gilama.

Godigo Nogi Ugwaba Sabo Tęąbi Po Wabo Buku Dabe 112:10

Dwai sę ebo bidi dabe, augwaligo te sę ebo sulama, wado po wabo dao. Augwaligo te dwagi yai bidi dali dwai homu ebo dao, tama nosali augwali mu dolobo dao. Tama augwaligo te dwagi yai nai sainogo tonaluali nai mu sogobeo.

Bugagia Bidibo Kolesagade Po Asęai Buku 11:7

Te dwai sę ebo bidi dabego te tama homu yai, te augwa doado bage hauwa te augwa bomogo digi sabo da homu yali. Tiali digi, nosali augwali isibo si da, tama augwa te nai dabe me sogobeo.

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.