Jopgo Po Asęani Elalubo Buku 7:9 - Godigo dwagi yai po buku

⁹ Bidi isibo da, teda aga polo isai bidi dabego buluba pabo. Te pǫ me deli tiwai dagalude bidisąma tedela pai te tiwai dao. Tama bidi dabe te bulude bidibo bage te buluba ma asogobe.

Jopgo Po Asęani Elalubo Buku 7:9 Referans Kwoze

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

Godigo Nogi Ugwaba Sabo Tęąbi Po Wabo Buku Dabe 39:13

Nago enaba te dene mabo sę me elamuo. Enabolo sula tagalu, te ena haliga wiegi yai ma emainu yao. Tama nosali ena isibaso, te tǫ mu taga paibao.

Jopgo Po Asęani Elalubo Buku 30:15

Te haniani sę dabe enaba pedelama, tama ena wi mu ilibao. Eno genuai nogi olo ni yabe tulalubo tiwai elama, te waligo sela pabo tiwai yali. Te ena wiegi yai bugagia bidali sę dali, te eno wiegi yai nai dabe dali, te silali, te dagalude pǫ dabe gasaba sisą sigi pabo tiwai elama, tama te dagalu olo madi pepeli dilide elalubo tiwai ebo dao,” wali.

Jopgo Po Asęani Elalubo Buku 16:22

Magi baso meni. Ena bidibo sogo bodolu pęwadage mu elalubaso, eno homugo kibu be deli o si elalubao. Tama ena isibo sunumidu pelama, tama ena ma asogobeo,” wali.

Jopgo Po Asęani Elalubo Buku 10:21

“Tama nosali da, eno e tǫ tagalama, nosali da, ena hulia sai buluba mu bidigi paibao. Tama ena ma asogobeo.

2 Samuel 12:23

Tiali goli, megi da, te aga isai digi, tama magi baso te eno nai tubo habu selalueibawe? Te kolesagago te wai ma odasa asomainu eba, agawe? Mu menio. Nosali te ena te aga pali buluba paibao. Tiali goli, te aga enaba ma begasa me asobo usu me egobeo,” wali.

Aisaia 38:11

Ena te bidibo ula elalubo we bidi dali ma bidigobe da homu yali, te eno Genuai Bidi ma sugobeo wali. Ena te bidibo ula me elalusiąbo bulu pesageba bidigi paibao homu yai, tama eno te bidibo ula elalubo we bidi ma sugobe homu yai dao.

Jopgo Po Asęani Elalubo Buku 37:11

Agai wę hauwa te moni dagalu pǫba sabobo dao, tama be kulu omainu elama, be sele tigidali buluba pela silibo dao.

Jopgo Po Asęani Elalubo Buku 11:8

Godigo homu kolesaga da, ugwanu mu dao. Te dagalu ugwanu mu elalubo tiwai mu dao. Tama aiyanu mu dao, te isibo bidigo bulu edelama, mu elalubo bidi dao. Godigo kolesagago yaide e tǫ edelama, bobobage mu elalubo dao. Tama genuai mu elama, tama tamu ąį dąį edelama mu elalubo dao. Tama nago mena tama tilama, agai homu kolesaga dali, agai bomai kolesaga dali si gegelama, sueibawe?

Jopgo Po Asęani Elalubo Buku 3:13

Ma, ena isigi sogo da, teda ena pila muyu, hodo bugagia doloyu, pila mugi dao.

Jopgo Po Asęani Elalubo Buku 17:13

Isai bidi dabego bulu naga eno tonaluyu, tama te da eno be elalubo ąǫ igi sogo da, teda ena dwai bidigi dao. Tama ena te bulude pila muyu, tama huli sesabigo ena mesega sai elalugi da.

Jopgo Po Asęani Elalubo Buku 17:16

Tama ena isilama, te isibo bidi dabego buluba aiya dulubo si da, teda eno homugo ena bugagia bidabo sunumi elaluaibawe?” Jopgo te po wali.

Aisaia 26:14

Megi da, te genuai bidi dabe polo isila palio. Augwali me bidibeo, tama augwali ma hodalobo usu me egobeo. Nago augwaligo bomo aiyaba elaluama, tama nago augwali dolama, tama nago augwali mu dolai dao. Tama te we bidi dabego augwaligo nogi me kone ebeo.