Jopgo Po Asęani Elalubo Buku 7:8 - Godigo dwagi yai po buku

⁸ Bidi dabe augwaligo ena megi subao. Tiali goli, nosali augwaligo ena ma sugobeo. Nago ena gegebo sę yali goli, tama ena olo dali hagalama, nago ena ma sugobeo.

Jopgo Po Asęani Elalubo Buku 7:8 Referans Kwoze

Jopgo Po Asęani Elalubo Buku 20:9

Mu tama mu, aga, aga bulude munu ma bidigobeo. Tama tede bidibo bidigo aga munu me sugobeo.

Godigo Nogi Ugwaba Sabo Tęąbi Po Wabo Buku Dabe 37:36

Tiali goli, nosali ena te badu ma pali, tama aga te munu ma elalubeo. Eno aga gegebo sę yali, tiali goli eno aga me subeo. Mu menio.

Godigo Nogi Ugwaba Sabo Tęąbi Po Wabo Buku Dabe 39:11

Nago te bidi me deliba wado eyu, tama aga yali sę wei ponoyu ebo dao. Tama nago te agai godolo ebo nai te mu siliyu yaibao, te asobago te ugwa togobo tiwai eyu, tama te ugwa dolobo tiwai ebao. Mu tama, tigidali bidi pedauwalide te po mobo wali asobo tiwai ebo dao.

Jopgo Po Asęani Elalubo Buku 14:3

Tama tiali goli, nago magi baso dago kolesaga osabo dawe? God, ena olo dao. Tama magi baso nago ena po tų ela mobawe?

Jopgo Po Asęani Elalubo Buku 13:27

Nago eno sągą haliga sengo gebelali, tama ena biligobeo. Tama tiali goli, ena biliyu da, nago ena wali asobo dao, ena mena menaba pali. Tama nago eno sągą pasalu bugagia tonalua asobo dao.

Jopgo Po Asęani Elalubo Buku 8:18

Tiali goli, bidigo te nosai gudubo sogo da, teda bidi mego konegobeo, polobadu tede dila nosai elaluai digi da homu egobe.

2 Samuel 12:23

Tiali goli, megi da, te aga isai digi, tama magi baso te eno nai tubo habu selalueibawe? Te kolesagago te wai ma odasa asomainu eba, agawe? Mu menio. Nosali te ena te aga pali buluba paibao. Tiali goli, te aga enaba ma begasa me asobo usu me egobeo,” wali.

Jopgo Po Asęani Elalubo Buku 3:13

Ma, ena isigi sogo da, teda ena pila muyu, hodo bugagia doloyu, pila mugi dao.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Jopgo Po Asęani Elalubo Buku 27:19

Awe, augwali hulide piainogo da, augwaligo suali, augwa tigidali nai dolo elalubo suali. Tiali goli, kigamu hodaluyu suali, augwa dwagi yai nai dabe menia suali, dolo elalubo sube. Tama augwali nai meni yai bidi mu bidali,” wali.

Jopgo Po Asęani Elalubo Buku 14:10

Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Jopgo Po Asęani Elalubo Buku 20:8

Te tobage bidi aga te hulide ebo nade hagabo tiwai deli sogo hagawaibao. Awe, bidi dabego aga mu ma sugobeo.

Godigo Nogi Ugwaba Sabo Tęąbi Po Wabo Buku Dabe 103:16

Wali asu, te plaua memenege elama, tulalubo dao, tama bidi dabego te plaua elalubo ma subeo.