Jopgo Po Asęani Elalubo Buku 7:21 - Godigo dwagi yai po buku

²¹ Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Jopgo Po Asęani Elalubo Buku 7:21 Referans Kwoze

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Jopgo Po Asęani Elalubo Buku 10:14

Nago ena bugagia mu tonaluai, eno te dwai sę ebode tagalainu ganama tiali.

1 Jon 1:9

Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

Aisaia 64:9

O Genuai Bidi, nago dade haliga sębę mu idu, te sesemane sogo dago ebo dwai sęde homu kone paludigio. Menio. Da tigidali te naga we bidi da homu elama, te nago daba olo mu tau sabo wiegi yai kolesaga yao.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

1 Jon 3:5

Dagego koneai, Krais asali agai te tǫde we bidigo dwai kolesaga ebo sela sąwainogo asai, tama dwai sę ebo kolesaga agade me bidibo menio.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Dwagi Yai Gesi Po Jongo Asęani 1:29

Te sogo kigamu Jisas asobo Jongo suai. Tama Jongo te we bidibolo te po wai, “Suao, te bidi da, aga Godigo kibu sipsip wai dao. Agai te tigidali tǫde bidibo we bidi augwaligo yali dwai sęgę te sela sąwaibao.

Hosea 14:2

Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Godigo Nogi Ugwaba Sabo Tęąbi Po Wabo Buku Dabe 103:15

Da we bidi bidibo ula pęwadage mu, te nosa tiwai. Da pęwadage sogo bidilama, da te plaua nosa du walama, isibo tiwai yaibao.

Godigo Nogi Ugwaba Sabo Tęąbi Po Wabo Buku Dabe 37:36

Tiali goli, nosali ena te badu ma pali, tama aga te munu ma elalubeo. Eno aga gegebo sę yali, tiali goli eno aga me subeo. Mu menio.

Jopgo Po Asęani Elalubo Buku 17:14

Tama eno te gų page e tama nogi yaibao, ‘Eno aya.’ Tama dwasianu osogane dabego eno tigi tuaiba. Teda eno augwali e tama nogi yaiba, ‘Eno ida dali, abe dali si,’ wagi da.

Jopgo Po Asęani Elalubo Buku 10:9

Konea, nago ena nigali te bidigo tǫ sene nigibo tiwai yai dao. Tama megi da, mena tama tialiwe? Nago homugo ena tǫ ma gagamainu ebawe?

Jopgo Po Asęani Elalubo Buku 7:8

Bidi dabe augwaligo ena megi subao. Tiali goli, nosali augwaligo ena ma sugobeo. Nago ena gegebo sę yali goli, tama ena olo dali hagalama, nago ena ma sugobeo.

Jopgo Po Asęani Elalubo Buku 3:13

Ma, ena isigi sogo da, teda ena pila muyu, hodo bugagia doloyu, pila mugi dao.

2 Samuel 24:10

Nosali Devit aga te yali sęde homu sęgę ebaso, tama aga Genuai Bidiba gedu haluasa po weyu, te tama po wai, “Ena te homu mu puna peyu, tama eno te bidi dabe nedalio. Tama eno te tiali kolesagade te eno dwai sę mu yali. Tiali goli, Genuai Bidi, eno nageba hanalu obao, eno te yali sęgę te nago sela sąyao,” wali.

Jopgo Po Asęani Elalubo Buku 8:1

Jopgo po ola silibo si, tama Bildat te Suha bulu tǫ bidigo agabolo e tama wali.

Jopgo Po Asęani Elalubo Buku 9:28

teda eno te sęgę dali, te tigi dene dali si wi ma ebo. Magi baso meni. God nago ena polo suali, eno dwai sę nago gedude ebo suali.

Jopgo Po Asęani Elalubo Buku 13:19

Dego ena dali pogo hwįbo tiwai elama, dego enade dwai sę yai bidi da po waibawe? Ma, bidi me bidibaso da, teda ena pedauwali paniasa bidama, isaibao,” wali.

Jopgo Po Asęani Elalubo Buku 27:19

Awe, augwali hulide piainogo da, augwaligo suali, augwa tigidali nai dolo elalubo suali. Tiali goli, kigamu hodaluyu suali, augwa dwagi yai nai dabe menia suali, dolo elalubo sube. Tama augwali nai meni yai bidi mu bidali,” wali.

Jopgo Po Asęani Elalubo Buku 33:9

nago dwai kolesaga me yai menio, po wali. Tama tibaso, nage Godigo gedude meda meni yai bidiba. Tama nago magi nai mede sę menio, po wali.

Jopgo Po Asęani Elalubo Buku 14:10

Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Jopgo Po Asęani Elalubo Buku 20:8

Te tobage bidi aga te hulide ebo nade hagabo tiwai deli sogo hagawaibao. Awe, bidi dabego aga mu ma sugobeo.