Jopgo Po Asęani Elalubo Buku 7:11 - Godigo dwagi yai po buku

¹¹ “Tama eno te homu ebo sogo, eno pedauwali pani sogobeo. Eno haligade gela genuai mu walama, tama ena sęgę genuai mu tolalio. Tibaso, eno po me waibao.

Jopgo Po Asęani Elalubo Buku 7:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 40:9

Genuai Bidi, eno te nago bukude po pusubo sę te nago we bidi dabe sisinibo tomode wai dao. Eno te tama po wai, “Genuai Bidigo te da ma sabo dao.” Genuai Bidi, nago koneani, eno te po sesemane pusaibao. Eno pedauwali me pania sogobeo.

Jopgo Po Asęani Elalubo Buku 10:1

Tama Jop agai po genina ma weyu, e tama wali, “Ena bidibo ena hagela mu polo yali. Ena isabo goli da. Tama tibaso, eno te moni sęgę hanilaibao. Awe, eno homu ha mu eyu, tama eno te Godide elalubo po dolo pusaibao.

1 Samuel 1:10

Hana aga te homu dwai dene mu ebaso, tama gela udubadi genama, tama Genuai Bidiba gedu haluasa po walio.

Aisaia 38:17

Megi da, eno konebao, te sęgę dabe pedelali, te ena tau sainogo naga yai. Nago ena godolo mu elama, te nago ena te isali bidi dabego pesageba pomainu me ilibeo. Te nago eno yali dwai sę sęgę dabede homu kone me isąyu, tagalai dao.”

Aisaia 38:15

“Te eno magi po wagowe? Genuai Bidigo te ena tau sabo po dąų wali, te megi aga digi te sę dabe mu pedalubao wali. Tama tibaso, enaba te pedelali genuai sęgę te homu kone palaibao, te ena digi ena aiyaba elaluama, te dua digi bidiyu, te ena isibo sogoba usu naibao wali.

Jopgo Po Asęani Elalubo Buku 21:25

Tama me badu we bidi bugagia bidibo meni. Te we bidi dabe augwa bidibo ula hagede kone palama, ha ebo dao. Augwali dwagi yai homu godolo isiąbadi, tama augwali isiboba usu nagasobo dao.

2 Korin 2:4

Mu dao, polobadu eno pas dageba asęna tolali, te sogo eno homu sęgę genuai badi, dene dali elaluali, tama ena gela hauwa dali weyu bidali. Eno te pas asęna tolali te eno dageba homu sęgę mawainogo ebeo. Menio. Eno te pas polobadu asęani te dagego ena konemainogo yali, eno dage dali dwagi yai homu eyu godolo ebo kolesaga te genuai mu dao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Jopgo Po Asęani Elalubo Buku 16:6

Tiali goli, enaduba ena kone palobo da. E tama tibo. Eno po wabode, o ena po pedauwali pania selama elaluyu da, tagala, tego ena tau selama, eno dene silibo meni,” wali.

Jopgo Po Asęani Elalubo Buku 13:13

Jop agai po genina mu ma weyu, e tama wali, “Dage pedauwali pania selama, enaduba deli naga po omainogo sula tagalao. Tama tagala, magi sę ena tigide pedalu si da, eno pedauwali pania sogobeo.

Jopgo Po Asęani Elalubo Buku 10:15

Ma, eno dwai sę igi sogo da, teda nago eno tigide sę geninama mu igi dao. Tama tiali goli, ma eno dwagi yai kolesaga ebaso da, teda eno dwagi yai homu elama, ena homu geda pabo homu egobeo. Mu meni. Te ena sęgęgo ena ma dolobo te ena moni hale mu ebao.

Jopgo Po Asęani Elalubo Buku 6:26

E sęgęgo ena mu dolali. Tama tibaso, eno po dodolama obao, tama dagego homugo, eno po olo wali bola bilibo tiwai yali. Tama dagego homugo dagego ena dodolaibawe?

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Godigo Nogi Ugwaba Sabo Tęąbi Po Wabo Buku Dabe 39:3

Tama eno moni homu mu yai. Eno homu kone palubo sę idubadi, tama eno haliga te mu dwai yali. Tialima, megi da, eno pedauwali pania sobaso, usu egobeo. Menio.

Jopgo Po Asęani Elalubo Buku 9:27

Ma, eno yaide ena tigide sęgę elalubo homu gegeda palama, bugagia bidigi sogo da, teda usu mu igi dao. Tiali goli, eno homugo te wei ebo si da,

Jopgo Po Asęani Elalubo Buku 23:2

“Odao. Megi me eno homu dwai elalubo. Tama eno homugo te dwai nai dabego ena dolobo te po hauwa mu waibao. Ena gela wabo togolainu sinabao goli, eno usu munu me ebeo.

Jopgo Po Asęani Elalubo Buku 36:21

Nago megi nago tigide ebo sęgę godolo me ebe. Tiali goli, nago dwai kolesaga yabo naga godolo yali bogo,” wali.