Jopgo Po Asęani Elalubo Buku 7:1 - Godigo dwagi yai po buku

¹ “Da e tǫde bidibo sogo, da e tiwai dao, bidigo da kegelama, wąbi hwįbo bidi nigibo. Da te sę ebo bidi dabe tiwai gilama, bomai sę naga tigidali sogo yaibao.

Jopgo Po Asęani Elalubo Buku 7:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 39:4

Eno Godiba te tama po hanalu wai, “Genuai Bidi, te ena bidabo ulade te nisu naga kibu be elalubawe? Te mena sogo ena isigowe? Te eno bidabo ula te pęwadage sogo naga elalubo homu ebao. Nago enabolo pusa mao,” po wali.

Jopgo Po Asęani Elalubo Buku 5:7

Bidi dena digi da, te tobage dwai dwai sęgę sabo kolesagago sę ebo dao. Dena digi te sęgę sabo, e tiwai ebo dao, te kenage isi ulama podiliyu, te isi hobolu, ugwaba dagala sąbo tiwai ebo dao,” wali.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 21:16

Genuai Bidigo enabolo e tama po wali, “Te kibu be deli elalubao, te hanu Kedar we bidi dabe dali augwaligo wiegi yai nai dabe dolama silabo. Te kibu be bubuga deli deli sogo eno bugagia nedebao. Tama te kibu bego bubuga dolo mu sia sigi pabo si da, teda eno augwali dali yaibao wali sę dabe eno yaibao.

Kolesaga Koneai Bidigo Pusali Po Elalubo Buku 8:8

Te isibo sogo, te dago tigide homu ogwa wai tomode bidali mobo bidi tagalainu ebaso, te dago palibaso, usu egobeo. Te dago isibo sogo bodolu hasegelainu ebaso, usu egobeo. Te hwįbo sogo, te ami tobolu bidi ofisa bidigo te aga ami bidi dabego te boi hwįbo pesage tagalama, te augwa buluba ma begasa pomainu sula tagalogobeo. Te tiwai me, te bidi mego dwai kolesaga wali pobaso da, teda aga te kolesagaba mu dagana selama, te tagalainu ebaso, usu me egobeo.

Bomai Po 15:18

Dagego duga te aga negelide sali sę bidi dabe te namba 7 wabo kibu bede olo taga paliyu, tede dwai homu me elamuo. Magi baso meni, agai dagede sę te kibu be a naga olama deli kibu be, te 6 tama elama, tama agai hap pe naga sali. Dagego te tama tiyu da, Genuai Bidi dago God agai dagego tigidali sę ebo agai wiegi yai mu pedalomainogo yaibao,” wali.

Pris Sę Ebo Bomai Po 25:50

“Te bidigo aga abelali bidi dali po minama, te elaluali tigidali kibu be dali te nai wei ma mabo kibu be dali me usu nama nedao. Tialima, te olo sę yali bidi aga tonaluali genuai bidigo te kibu bede te bidigo mone sę yali dąį ilao. Tama te bidi aga digi ma aga deli kaneme bidigo te tobage tiwai monego mu te bidi ma abelebaso usu dao.

Aisaia 38:5

“Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.

Jopgo Po Asęani Elalubo Buku 7:2

Da e tiwai olo sę bidigo te giliga ibaba dega sabode agai tigi dwanu kedau emai ebo. Tama da te sę bidigo aga mone sabo tonalubo tiwai dao.

Jopgo Po Asęani Elalubo Buku 10:17

Tama nago haniani sęgę enaba taga palaibao. Te nago sębę enabolo ola mayu, tama nago te sębę geninama mu pedalibao. Tama nago ena dene geninama mu mawaibao, te ami bidi dabe hauwago ena dali hwįbo tiwai yaibao,” wali.

Jopgo Po Asęani Elalubo Buku 14:1

Te Jopgo po ma olama, te po wai, “Da we bidi e tǫde pęwadage sogo bidibo dao. Tama idago ame nanidu gagalasa, haniani dwai kolesaga dade pedalobo dao.

Aisaia 16:14

Tiali goli, megi Genuai Bidigo po genina ma weyu, e tama obao, “Kibu be sela digi mu elalubao, te Moap dabe augwa wiegi yai nai dabe dali dolabo. Eno te sela kibu bego deli deli bubuga me polua bugagia mu nedebao. Tama te kibu be selago dei dolo mu tama eno te yaibao wali sę eno yaibao. Te we bidi hauwa mu megi te Moapde bidibao. Tiali goli, te bulu dolobo side, te bidi hani dwasianu naga te bulude bidaibao, tama augwali bomo mu meni yaibao,” wali.