Jopgo Po Asęani Elalubo Buku 6:7 - Godigo dwagi yai po buku

⁷ Eno haligago te tobage nai wei mu meni. Eno gedude te nai dwai mu da,” wali.

Jopgo Po Asęani Elalubo Buku 6:7 Referans Kwoze

Daniel 10:3

Te Sarere selade, eno te wiegi yai nai me tusiąyu, ma te wiegi yai nai hasa me deli te me tubeo. Eno te wain wę tusiąma, tama eno tobolu nisi dwasianu me dodolobeo.

Esekiel 4:16

Te Godigo po ma weyu, te tiwai po wali, “Tǫde bidio, eno te Jerusalem dabe te nai mu sǫą pabo sę ilaibao. Tama te we bidi augwali dwai midigi selama, te sęde haliga sęgę mu yaibao. Tama te we bidi dabe augwa te nai me wę bugagia dagalaibao, te augwaligo deli deli side tuabo nai dagalobo sę eyu, tama yaibao.

Esekiel 4:14

Ena Esekiel eno te tama po odama, eno te tiwai po wei ponani, “God Genuai Bidi, hobede mu ebao. Eno te tama kolesaga munu me ebeo. Mu menio. Eno digi eno meda yai sę nago gedude me ebeo. Te ena dwasianu ogwade bidali sogo, te eno te kibu aga digi isai kibu me, ma hasa mi, te uni hasa dabego ela muani tusiąbadi, te megi bidibo sogoba usu nagasobao. Te bomo yai pode habu seleyu, te nago gedude meda yai nai, te tiwai nai deli eno me tubeo,” eno te po wali.

Godigo Nogi Ugwaba Sabo Tęąbi Po Wabo Buku Dabe 102:9

Nago wado po genuai enade elalubaso, tama ena te sia keli naga tudu, tama gedu ąį gela guga te kapba tulaluama, tama eno tuyu ebo dao. Nago ena selama, tama ena meba me te pobele bage sąbo tiwai yalio.

Jopgo Po Asęani Elalubo Buku 3:24

“Ena nai me tubo meni yani. Eno haligade gela naga wabo. Ena dene dwai mu ebaso, ena hwąwa boma mu wabo dao. Tama eno homu sęgę da, ąį gamiade wę pągąlubo tiwai elama pabo tiwai ebo.

Te Israel me Juda Hani Sigo Tuni Bidigo Po Elalubo Buku Deli 22:27

Tama nago eno te po augwali siba mao, ‘Eno homugo dage sigo te bidi kalabusiba ma mumainu homu ebao. Te aga dwasianu tubo nai bret me wę naga mao, tama te boi hwįbo silama, ena ma asobo siba usu nao,’ te po wao,” wali.

Te Israel me Juda Hani Sigo Tuni Bidigo Po Elalubo Buku Deli 17:12

Tama te wego agabolo te po wali, “Godigo nogide, naga Genuai Bidi, te God tigidali sogo bidada peyu, bidada pabo God dao, eno mu po tama obao, eno te bret nai menio,” wali. “Eno te dwasianu o gagawai nai plaua deli digi te tǫgo nigali mouwa dage genagi sospende munalubo,” wali. “Tama me te dwasianu oliv wel te gasa mouwa dage genagi sospende munalubao,” wali. “Eno megi te e dwasianu isi sesa bilibo da, teda eno te plauanu ulugi painu ebao,” wali. “Eno ogwa dali dadi sigo te megi tama silibo nai tama dadi sigo ula tulama, tama nosali dago tuabo nai mu menio,” wali, “tama teyu, da mu isaibao,” te wilawe we agai tama po wali.

Jopgo Po Asęani Elalubo Buku 6:6

Tiali goli, dago pusu menia nai meba elalubo, dago te nai subigila tuaibawe? Menima. Hasia dago tamu bolo munama, tama dago tubo da. Ma, te ba ge gani pusu ebo dawe? Mu menima.

Jopgo Po Asęani Elalubo Buku 6:8

“Eno wei mu ebo, Godigo eno gedu haluasa po wabo odama, tama agai eno emainu wali sę dabe emainao.

Jopgo Po Asęani Elalubo Buku 33:20

Tama aga nai tuabo hagela homu ebo dao. Te bidi dabego dwagi yai mi dabe sesebaso, me tagalobo dao. Agai te tonobo da, te olo nai tonobo ąǫ ebo dao, tama agai munu me tugobeo.