Jopgo Po Asęani Elalubo Buku 6:4 - Godigo dwagi yai po buku

⁴ God tigidali bomo elalubo, te agai ena te enego enani ene te dwai nabi tede elalubo. Tama te dwai nabi eno tigi tomoba pelama, tama eno homu dwali. Godigo haniani nai taga palali ena wi emainu,” wali.

Jopgo Po Asęani Elalubo Buku 6:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 38:2

Nago ene dabego nago ena mu enama, tama naga nogogo nago ena aiyaba elaluali.

Jopgo Po Asęani Elalubo Buku 30:15

Te haniani sę dabe enaba pedelama, tama ena wi mu ilibao. Eno genuai nogi olo ni yabe tulalubo tiwai elama, te waligo sela pabo tiwai yali. Te ena wiegi yai bugagia bidali sę dali, te eno wiegi yai nai dabe dali, te silali, te dagalude pǫ dabe gasaba sisą sigi pabo tiwai elama, tama te dagalu olo madi pepeli dilide elalubo tiwai ebo dao,” wali.

Bugagia Bidibo Kolesagade Po Asęai Buku 18:14

Te bidi gasi elalu, tama aga homu kolesaga te bomo elalubaso da, teda agai te gasi aiyaba elalueibao. Tiali goli, te bidigo homu kolesaga dolali da, teda magi elama te wiegi yai ma pedelaibawe?

Godigo Nogi Ugwaba Sabo Tęąbi Po Wabo Buku Dabe 143:7

Genuai Bidi, nago eno gedu haluasa po polo odao. Magi baso meni, te eno konealubo homu te dolali. Nage enade geme me duala sigio, tiyu ena isilama, te ena isali bidi dabego pesageba pidalio.

Dwagi Yai Gesi Po Makgo Asęani 15:34

Tama te giliga dega sainu ebode te Jisasgo po dagą bomonama weyu, te po wai, “Eloi, Eloi, lama sabaktani?” E tiwai po wai, “Eno God, eno God, magi baso nago ena tagalubawe?”

Jopgo Po Asęani Elalubo Buku 9:17

Agai moni tulubage dali, wali dali si tagala paligi dao. Tama ena aiyaba elaluama, tama eno dwai sę yai elalubao wainu, tiali goli agai ena mu doliyu igi dao.” Jopgo te po wali.

2 Korin 5:11

Te da tigidali te moni po tųde pedalaibao homu ebaso, da Genuai Bidide wi eyu, tama te bidi dabe augwaligo te da Godigo po sela pabo bidi dabe mu dao te hania konemainogo eyu, dago augwalibolo homu bega sabo po weyu bidibao. Godigo da gisiga koneani. Tama eno homu te dage me, dage deli deli duga te dwai sę dali dwagi yai sę dali dagalabo homugo ena hania koneai, te ena homu mu eyu te Godigo sę ebo bidi bidibao.

Godigo Nogi Ugwaba Sabo Tęąbi Po Wabo Buku Dabe 45:5

Te nago ene dabe te mu poa pelama, tama te boi bidi dabe mu eneyu ebo dao. Nago hwįyu, te gasa hani dabe aiyaba elaluama, tama augwali te nage dologode bidibao.

Godigo Nogi Ugwaba Sabo Tęąbi Po Wabo Buku Dabe 21:12

Magi baso meni, te agai ene te augwaliba eneyu, wi ilibaso te augwali wi paibao.

Godigo Nogi Ugwaba Sabo Tęąbi Po Wabo Buku Dabe 18:14

Agai te be selego te bidi dabeba ula enani, te bidigo te boi bidi dabe te enego enebo tiwai ebaso.

Godigo Nogi Ugwaba Sabo Tęąbi Po Wabo Buku Dabe 7:13

Agai augwali te sia dabo enego usu sali. Agai te bidi dabe augwali ela muabo ene dabe sisi yai elalubao.

Jopgo Po Asęani Elalubo Buku 31:23

Magi baso meni. Eno Godigo moni bomo eno koneama, tama me agai dwai nai dabe tagala palama, bidi dolobo me, eno koneai dao. Tama ena wi genuai mu yai dao. Tama tidali weyu, eno dwagi yai kolesaga naga yai dao,” Jopgo te po wai.

Jopgo Po Asęani Elalubo Buku 21:20

Awe, augwa digi sulama, dene konemainu te Godigo sębę, te God Tigidali Bomo Page Bidi.

Rutgo Po Elalubo Buku 1:20

Naomigo po wei ponoyu, te po wai, “Dagego ena nogi te Naomi te tiwai te dwagi yai homu pemene ebo we nogi igio. Menio! God te Tigidali Bomo Elalubo Bidigo enabolo dwai homu dene ilalio. Tama dagego ena nogi te Mara wao, te tiwai te homu sęgę ebo we dao.

Jopgo Po Asęani Elalubo Buku 20:16

Te tobagego sisinibo naigo augwa ma dolaibao, te gula manigo bidi gąų kelama, agai dwai nabigo augwali ela isilibo tiwai yaibao.

Jopgo Po Asęani Elalubo Buku 34:6

‘Eno magi sę me dolama, magi dwai sę me yai menio. Tiali goli, Godigo homugo ena tibo po wabo bidi dao olama, tama ena dolama sęgę mu mabo dao. Te ena agai enego enebo tiwai mu elama, tama ena usu ma yabo ąǫ ebe,’ Jopgo te po wali.”

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Te We Bidi Dabego Jerusalem Hagede Gela Wali 2:4

Agai te wiegi yai taun Saion dali boi bidi elama, tama agai aga we bidi enainu enesigi balibiba tulalubo tiwai yali. Awe, aga bomogo aga digi te Jerusalemgo gawe yai we bidi sese tama ela silalio. Agai sębę te posolai isi tiwai elalu, agai te isi te taun Jerusalemba muani, bidigo wę gelebo tiwai yali.

Jopgo Po Asęani Elalubo Buku 7:20

Eno homugo eno dwai sę ebogo nage mu dolobo, tama nago homugo enabolo sęgę maiabo homu ebawe? Ena te nago enego enebo tą tigi tiwai pedalali, tama nago ene enaba enebo dao. Nago da tonalubo da, te enesigi bidi dabego kalabus bidi tonalubo ąǫ ebo dao. Ma, eno nagebolo genuai sęge maniwe?

Jopgo Po Asęani Elalubo Buku 16:9

Godigo ena suyu, godolo isąma, ena agai boi bidi mu gagabao. Agai ena dali sębę genuai mu elama, eno tigi me dolobo, te bulu yowigo bulu hasa aga kelego pepedebo tiwai ebao,” wali.

Jopgo Po Asęani Elalubo Buku 19:12

Aga boi hwįbo ami bidi dabe tagala palali. Tama augwaligo ena dolabo sunumi nidigi aselama, tama eno be bobegela selama, tama ena dali hwįali,” wali.

Godigo Nogi Ugwaba Sabo Tęąbi Po Wabo Buku Dabe 38:3

Nago enaba wado ebaso, tama ena dwai gasi yai. Eno sęgę elalubaso, tama eno tigi bomo mu meni yai.

Bugagia Bidibo Kolesagade Po Asęai Buku 14:10

Te bidigo agade digi haliga sęgę ebo koneama, tama aga digi te pemene yabo koneani, tama agai te gasa bidiba me hanilibaso, usu egobeo.

Te We Bidi Dabego Jerusalem Hagede Gela Wali 3:3

Tama tigidali sogo agai ena deli naga dene madu gebo dao.