Jopgo Po Asęani Elalubo Buku 6:11 - Godigo dwagi yai po buku

¹¹ Eno bomo tigidali sia sali, tama eno mena dwagi yai nai enaba ma pedalobo tonaluaibawe? Ena bididuabo page da, mu meni. Tama magi baso ena homu nagame elama bidaiba? Te mu dwagi yai da, eno bidibo ula sia siyu da.

Jopgo Po Asęani Elalubo Buku 6:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 102:23

Ena gesi ogwa bidide digi, tama Genuai Bidigo eno bomo dolali. Ena te eno bidibo ula sesabi elama, bidimainu ebeo. Agai ena bidabo sogo bodolu togwai dao.

Godigo Nogi Ugwaba Sabo Tęąbi Po Wabo Buku Dabe 39:5

Nago ena bidabo bodolu te pęwadage sogo mu muani elalubao. Te nago gedude ena te bidabo bodolu muani, te olo bage tiwai yali. Tigidali bidi te wali tiwai eyu, te bidi me deligo te pedauwalide ponobo tiwai gilama ebo dao.

Jopgo Po Asęani Elalubo Buku 17:1

“Ena mu dolama, eno hoboludu ogwa wai bomo meni yai pedelama, tama ena isabo sogo maga mu yagasalio. Tama gų pagego ena teba asobo tonalubao.

Jopgo Po Asęani Elalubo Buku 21:4

Tiali goli, odao. Eno bidi dabede po elalubowe? Mu menio. Eno Godide po elalubo. Tama tibaso, eno haliga dene mu ebao, agai eno po wei ponisą ebo pode.

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Jopgo Po Asęani Elalubo Buku 13:25

Ena da, olo ni yabe dali, olo nosai sasi isila pabo tiwai dao, te waligo subigila sąsąbo tiwai dao. Tama tibaso, nago ena magi baso wi ilama, magi baso dene ilama, tagalobawe?

Jopgo Po Asęani Elalubo Buku 10:20

God, nago koneani, ena bidibo bodolu pęwadage mu dao. Tama nago ena dene magio. Nago ena haliga tigi naga me doanu emainu sula tagalama, tama de ena isaibama,” wali.

Jopgo Po Asęani Elalubo Buku 6:12

Mena tama tibo nago homugo ena bomo masigi dali, bras dali si tiwai dawe? Mu meni.

Jopgo Po Asęani Elalubo Buku 26:2

“Te ogomani nage bidi bomo meni yai bidi tau sabo bidi yali bogo.

Godigo Nogi Ugwaba Sabo Tęąbi Po Wabo Buku Dabe 39:4

Eno Godiba te tama po hanalu wai, “Genuai Bidi, te ena bidabo ulade te nisu naga kibu be elalubawe? Te mena sogo ena isigowe? Te eno bidabo ula te pęwadage sogo naga elalubo homu ebao. Nago enabolo pusa mao,” po wali.

Jopgo Po Asęani Elalubo Buku 17:13

Isai bidi dabego bulu naga eno tonaluyu, tama te da eno be elalubo ąǫ igi sogo da, teda ena dwai bidigi dao. Tama ena te bulude pila muyu, tama huli sesabigo ena mesega sai elalugi da.