Jopgo Po Asęani Elalubo Buku 5:9 - Godigo dwagi yai po buku9 Agai haniani sę hauwa mu ebo dao, tama dago te sę nedebo usu egobe. Augwaligo dago kolesaga edelai, te dago kuna konegobeo. Gade chapit la |
Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.
Nago enabolo e tama hanalu walio, ‘Te nage de dawe, tama nago eno sę yainu ebadi panilaibawe?’ Nago te po wali. Hobede mu dao. Eno haniani dwai dwai po olama dolali, te ena digi te po page konesiąma yali po subigila wai dao. Te gasa nai dabe po eno wali da, tego eno homu kolesaga edelai mu dao,” wali.
Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.