Jopgo Po Asęani Elalubo Buku 5:8 - Godigo dwagi yai po buku

⁸ Elifas agai po genina ma weyu, e tama wali, “Tiali goli, ena tama nago tigide sęgę yali tiwai igi sogo da, teda ena Godibolo gedu haluasa po wagi da, agai eno te sęgę silimainu.

Jopgo Po Asęani Elalubo Buku 5:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jopgo Po Asęani Elalubo Buku 22:21

“Megi da, Jop, odao. Megi nago God dali po dodolama, tama dedeli homu yao. Ma, naga tama tiyu da, teda agai nage usu ma ilama, tama nage bugagia ma bidaibao.

Godigo Nogi Ugwaba Sabo Tęąbi Po Wabo Buku Dabe 37:5

Nago te naga bidibo ula te Genuai Bidi nogoba muao. Te konealubo homu agaba dąų weyu, te agai nage tau saibao.

1 Pita 4:19

Tama tibaso, God agai “Awe” weyu, tama dage dene siyu da, teda dagego dwagi yai sę naga ebogo dagego duga digi God nogoba muao. Te God aga digi agai dage nigali, te agai dage tau siyu ma dobola sabo bomo te munu me siligobeo.

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

Jopgo Po Asęani Elalubo Buku 22:27

Tama nago agaba gedu haluasa po olama, tama agai nago gedu haluasa po wabo odama, tama nago hanalubo nai dabe nage mawaibao. Tama naga Godide dąų wali po wali peyu, dwagi yai homu elama, te dąų walali po usu naibao.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Jopgo Po Asęani Elalubo Buku 8:5

Tiali goli, naga Godibolo gedu haluasa po wao. Agai tigidali bomo elalubo, tama nago agabolo nage hobede emainu ya.

Jopgo Po Asęani Elalubo Buku 13:2

Tigidali nai dabe dagego koneani da, eno me eno koneai nai dabe da. Dagego kolesagago eno kolesaga edelebeo.

Jopgo Po Asęani Elalubo Buku 13:3

Tama tiyu yaide, ena dage dali po wabo hagela mu yali. Eno homugo God Tigidali Bomo Elalubo Bidi dali po wabo homu yali. Eno homugo dadi si pogo hwįbo tiwai eyu, eno sęgę dodolaiba.

Jopgo Po Asęani Elalubo Buku 11:13

“Tiali goli, Jop, nage homu begelama, tama Godiba gedu haluasa po walama, tama nago agabolo hanaluyu, te po wai, ena hobede elama, tau sao po wao.

Jeremaia 11:20

tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.