Jopgo Po Asęani Elalubo Buku 5:4 - Godigo dwagi yai po buku

⁴ Ao, augwa wai puluba dabe bugagia bidabo sunumi meni yai. Tama bidi dwai dabego augwali po tų ebode aiyaba elaluainu ebaso da, teda augwali po tų ebode kisa sabo hai namu meni yaibao, te po tųde ela holabo.

Jopgo Po Asęani Elalubo Buku 5:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 127:5

Te wai ogwa hauwa elalubo bidi, aga te wiegi yai pemene yao. Te agai te aga boi bidi dabe dali te po tų ebo pesagede te po tų ebo sogo, te augwaligo aga tau saibao. Tama aga te po tųde hagamainu me egobeo.

Godigo Nogi Ugwaba Sabo Tęąbi Po Wabo Buku Dabe 119:155

Te dwai kolesaga ebo bidi dabego nago doloba pai po wali pisąbaso, tama tiyu te nago augwali ma sogobeo po wali.

Amos 5:12

Magi baso meni. Dagego sęgę dabe dwai mu elalubo eno koneani, tama eno koneani, dagego sęgę hauwa mu elalubao. Dagego dwai sę te wiegi yai bidi dabeba ebao. Dagego te dobo sę ebo bidi dabego nogode te mone ge dabe sabo dao. Tama te po tų ebo si, te magi nai meni yai bidi dabego gasa bidi dabe aiyaba elaluidali weyu, dagego te po tų dolobo dao.

Godigo Nogi Ugwaba Sabo Tęąbi Po Wabo Buku Dabe 7:2

Tiyu, te ena augwaligo dolidalio, te laiongo bidigo tigiwali togobo tiwai gilama idalio. Tiyu, te augwaligo ena te gasaba me kekasa peyu, tama ena ma sainu yabo bidi me deli meni yaibao.

Jopgo Po Asęani Elalubo Buku 27:14

Te bidi dabego wai puluba hauwa elalubaso me tagalao, te boi bidi dabego augwaligo wai bǫų elama, isilagasaibao. Tama augwaligo hani da, tigidali sogo nai menia siduaibao.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Jopgo Po Asęani Elalubo Buku 8:4

Tialima, nago wai pulubago dwai sę ebaso, agai augwa sęgę wei ponani bogo.

Jopgo Po Asęani Elalubo Buku 1:19

polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

Josua 20:4

Aga te hanu dabe me deliba wi pelama, tama te po tų yabo madi te hanu genuai sunumi teba pedelama, tama te tobolu bidi dabebolo te sę mena tama yali po te hanilama pusumainogo yao. Nosali te tobolu bidi dabego aga te hanu tomoba pomainogo yaibao, tama augwaligo te aga augwali dali bidabo pesage te bulu menama bidimainogo yaibao.

Jopgo Po Asęani Elalubo Buku 20:10

Tama aga wai pulubago augwa ayago wi sali nai te nai meni yai bidi dabebolo wei ponaibao. Te doado bage aga digi te nai meni yai bidide wi sali nai wei ponaibao.

Bugagia Bidibo Kolesagade Po Asęai Buku 24:7

Te wiegi yai homu kolesaga koneani te ugwanu mu elaluyu, tama te wiegi yai homu kolesaga konesiąwani bidigo kolesaga te aiyaba elaluaibao. Tama te bidi dabe dugulama, te genuai naide po mibo konila obaso da, teda te wiegi yai homu kolesaga konesiąwani bidi da, te olo dugulalu, tama pedauwali panialubo dao. (23)