Jopgo Po Asęani Elalubo Buku 42:9 - Godigo dwagi yai po buku

⁹ Tama Genuai Bidigo te po obaso, te bidi Elifas te hanu Tema bidi, me te Bildat te bulu Suha bidi, me Sofar te bulu Nama bidi, augwali hogodasa pelama, te Genuai Bidigo wali po wali palio. Tama Genuai Bidigo Jopgo gedu haluasa po odama, augwali dene mabeo.

Jopgo Po Asęani Elalubo Buku 42:9 Referans Kwoze

Hibru 11:8

Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Godigo Sęba Tagala Palai Bidigo Po 10:33

Tama tibaso, eno nage pageba po polo te tagala palai dao. Tama nago dwagi yai kolesaga mu elama, da pageba sabolalio. Tama megi da tigidali Godigo gedude bidibao. Tama dago homugo Genuai Bidigo nagebolo mani po te dago odaibao,” Korniliusgo Pitabolo te po wai.

Matyu 7:24

“Te niwai bidi agai eno e wabo po odama wali pabo bidi, teda te bidi me deli agai homu te wiegi yai tiwai elalubo bidi, tama agai be te masigi daide ugwadu sę yai dao, te be bugagia dąų omainogo yai.

Dwagi Yai Gesi Po Jongo Asęani 2:5

Jisas aga idago augwali te we sabo be page bidigo sę ebo bagebolo te po wai, “Jisasgo po me deli dage dali obaso da, teda dagego te po wali pao,” te po wai.

Aisaia 60:14

Te polobadu nageba dwai sę eyu, te nage godolo homu isąwani hani dabe, te augwa tobolu basiasa nageba asaibao. Te augwa kidu sugunugulama, te nago sągą pąde augwa tobolu basigulama, te nageba genuai nogi mawaibao. Te augwa nage nogi te tiwai weyu, ‘Genuai Bidigo Taun da,’ te ‘Saion da,’ waibao, ‘te Israel Godigo Taun, aga te Wiegi Yai Doloba Pai Kolesaga Ebo God mu dao.’”

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Jopgo Po Asęani Elalubo Buku 42:8

Tama tibaso, dagego kau kibu omai nogo a naga, me badu si sobadi, kibu sipsip a naga, me badu si sobadi, tama elama, tama eno sę bidi Jop pageba sela pao. Tama dagego augwali elama, tama ofa nai iside sese tama ulao. Tama Jopgo enabolo gedu haluasa po olama, tama eno dage dolabo homu yali tagalaibao. Teda eno agai gedu haluasa po wabo odaibao. Tama eno dagego te wali dwai po dabe usu nama, dagebolo dene me magobeo. Magi baso meni. Dagego eno ebo sę po dolo pusubeo, te eno sę bidi Jopgo pusali yali gilama,” Genuai Bidigo Elifasbolo wali.

Jopgo Po Asęani Elalubo Buku 22:27

Tama nago agaba gedu haluasa po olama, tama agai nago gedu haluasa po wabo odama, tama nago hanalubo nai dabe nage mawaibao. Tama naga Godide dąų wali po wali peyu, dwagi yai homu elama, te dąų walali po usu naibao.

Jopgo Po Asęani Elalubo Buku 2:11

Te Jop aga abagi sela augwaligo te Jop agai tigi te dwai sęgę yali po odama, tama augwaligo po bodolu sali, te deliba sisinama, te bidi sugi paibao. Tama augwa bulu taga solama, Jop sugi soali, te agade augwaligo hobede ola mayu, tama agai homu dąų waliyu emainu. Te bage augwaligo nogi e tama dao, Elifas, te Idom bagego hanu nogi Tema bidi dao, te Bildat te tǫ nogi Suha, te Sofar te bulu nogi Nama.

Jopgo Po Asęani Elalubo Buku 42:10

Te bidi Jopgo aga abagi dabe tau somainu gedu haluasa po ola silama, nosali da, Genuai Bidigo aga bugagia ma bidimainu ma ilalio. Genuai Bidigo Jop nai hauwa bage mu manio, te agai polobadu elaluali nai dali si daganama sali.

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Tigidali Nai Gagalama Nigali Side 20:17

Yawego te Abimelekgo hanide te tigidali we sibi haliga palia silama, te augwaligo wai ame nabo usu isiąwani. Agai tama tiali, te Abimelekgo te Abrahamgo we Sarabolo yali, te kolesaga wei ponoyu, tama tialio. Tama Abrahamgo Godibolo gedu haluasa po olama, tama Godigo Abimelek usu ma ilali. Tama Godigo Abimelekgo we me usu ilibadi, te aga sę ebo we dabe dali usu ilama, tama augwaligo wai ame nabo usu ma yai dao.

Jopgo Po Asęani Elalubo Buku 22:30

Tama Godigo gedude nage doloba pai bidi bidibaso, agai dwai sę ebo we bidi me hobede eyu, tama augwali ma saibao. Augwali hagagobeo.” Elifasgo te po wali.