Jopgo Po Asęani Elalubo Buku 41:3 - Godigo dwagi yai po buku

³ Nago homu mena tama tibowe? Ma, nago aga toubo si da, teda agai nagebolo aga hobede ya po olama, tama aga tagala palao po waibawe? Agai nagebolo po dua mu dwagi yai pogo waibawe? Tega?

Jopgo Po Asęani Elalubo Buku 41:3 Referans Kwoze

Aisaia 30:10

Tama augwaligo Genuai Bidigo po ola mabo profet bidi dabe dali e tama po wabo dao, “Dage pedauwali pania siąo. Dagego dabolo wiegi yai doloba pai kolesaga wali pomainu da ola magimio. Te dago odainu ebo po naga pusa mao. Teda te dwai nai dabe munu me pedalogobeo.

Bugagia Bidibo Kolesagade Po Asęai Buku 25:15

Te nago po dua digi weyu, tama nago wado po polo wasiąbaso da, teda nago te nago po odisąbo homu ebo bidi dabego haliga begelaibao. Tama nago te hagoma ebo bidi dabego homu hasegelibaso me, te usu yaibao.

Bugagia Bidibo Kolesagade Po Asęai Buku 18:23

Te magi nai doado bage meni yai bidigo te nagame yai po dua digi te mone hauwa elalubo bidi dali weyu, tama agaba hanalu te aga tau somainu yali. Tiali goli, te mone hauwa elalubo bidigo te sesanobo po bomonama agaba wei ponobo dao.

Bugagia Bidibo Kolesagade Po Asęai Buku 15:1

Te bidigo nage dali haliga sębę ebaso da, teda agaba po wei dua digi ponao, tama aga haliga sębę yali isigulaibao. Tiali goli, nago pogo te gasa bidi doliyu, dwai po wabo sę eyu da, te agai nageba te dwai haliga sębę mu ebo sę ilibao.

Godigo Nogi Ugwaba Sabo Tęąbi Po Wabo Buku Dabe 55:21

Te pedauwalide agai pusai po wali, tiali goli te haligade agai te boi bidi enade elaluali. Te agai pogo dago tabi nagame ilama bidibao. Tiali goli, te po te bobobage bainat hwą tiwai mu poa pelama, tama da togobao.

Jopgo Po Asęani Elalubo Buku 41:2

Nago agai hamenade dedage nigilama, tama haliga gebelama, kegasa paibawe? Tama nago agai penanede hukugo kęaibawe?

Jopgo Po Asęani Elalubo Buku 41:4

Agai nage dali po mia siyu, tama dage sigo deli homu eyu yaibawe? Tama aga nage dali bidiyu, nago sę bugagia tigidali sogo yaibawe?

Ma Dobola Sali 19:5

Tama dagego megi eno bomai po dąų olama, tama eno po mu wali peyu da, teda dage eno gasagi yai tedali we bidi hani pedelaibao. Tigidali tǫ me, tigidali we bidi me, te eno naga, tiali goli eno dage sa munama, hagea siyu, tama dage ena we bidi mu bidaibao.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Hagai 2:8

Tama te silva me, tama me te gol me, te nai dabe me te tigidali bulude muani nai me, te eno nai naga dao.