Jopgo Po Asęani Elalubo Buku 41:1 - Godigo dwagi yai po buku

¹ Tama Genuai Bidigo po genina ma weyu, e tama po wali, “Jop, mena tama tiali nago huk sąnama, te genuai hasa pukpuk sela tuaibawe? Tama nago augwaligo hamena nago haligago gebelebo usu yaibawe?

Jopgo Po Asęani Elalubo Buku 41:1 Referans Kwoze

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Godigo Nogi Ugwaba Sabo Tęąbi Po Wabo Buku Dabe 104:26

Tama tamu ąįde sip geba dabe augwali uga soayu, eda soayu elama, bilibo dao. Tama polobadu nago nigali genuai sųgų, augwali me te tamu ąį tomode biliyu, posoga palu ela bilibo dao.

Godigo Nogi Ugwaba Sabo Tęąbi Po Wabo Buku Dabe 74:14

Tama nago te genuai pukpuk dabego tobolu aluali, te Isip tobolu bidi dabe da, tama nago agai tigi te augwali te kemi tǫ wa pai bulude bidibo uni hasa dabeba menama, tama augwa tuai dao.

Jopgo Po Asęani Elalubo Buku 3:8

Ma, te pobi bidi dabe, te bulu hasa Leviatan guni tubo bage, augwaligo pobi weyu, te ena ame nani sogo te aiyaba elalugi sogo da, usu igi da.

Jopgo Po Asęani Elalubo Buku 40:24

Tama augwali no munalubadi da, dego mu augwali touwaibawe? Tama dego augwaligo guni pololama, augwali bono gebelama kegaibawe? Bidi menio,” wali.

Tigidali Nai Gagalama Nigali Side 9:10

Tama eno te tigidali bidibo ula elalubo nai sibi dali me te bomo yai dwagi yai po dąų obao, te ba dabe me, te bidigo negebo hasa dabe me, tama te bulude bidalubo uni hasa sibi dabe me, tigidali te dage dali sip tomode bidaluai.