Jopgo Po Asęani Elalubo Buku 4:7 - Godigo dwagi yai po buku

⁷ “Jop, nago koneani, we bidi me dwagi yai kolesaga eyu, dwai kolesaga menia, te bidi dolama isaliwe? Ma, te doloba pai we bidi olo dolaliwe? Teda meni homu eba.

Jopgo Po Asęani Elalubo Buku 4:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:25

Polobadu ena gesi ogwa bidi bidali, tama megi da ena monu dabe yalio, tiali goli te Godigo doloba pai bidi me deli tudiba mubo te eno me subeo. Tama te doloba pai bidi dabego wai dabe te nai sǫą pabo te eno me susiąyu, tama te gasa bidigo augwali tau somainu i me wabeo. Mu menio.

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

Jopgo Po Asęani Elalubo Buku 36:7

Agai doloba pai we bidi tonaluyu, tau sabo dao. Tama we bidi dabego augwali genuai nogi tigidali sogo mabo dao, te augwaligo te king dabebolo ebo tiwai yali gilama.

Godigo Sęba Tagala Palai Bidigo Po 28:4

Tama te sogo te bulu page bidi dabe augwaligo te hasamani Pol nogode walalubo sulama, augwali moni noma selama, augwa hasi tomode po umabo weyu, te po wali, “Te bidi agai gasa bidi elabo bidi dao,” te homu geda muani. “Tamu ąįgo aga elebe. Tiali goli, te god me deli, agai nogi Dwai Kolesaga Dodolobo god, agai homugo aga elainu yali, te hasamani bidi isibo nabi aga tigide munalubo hasamani gąų kelali,” te po wai.

Jopgo Po Asęani Elalubo Buku 8:20

“Ma, te bidigo doloba pai kolesaga wali peyu, tama Godigo gedude dwai sę me isąma yali da, teda Godigo aga tudiba me iligobeo. Tiali goli, bidigo dwai kolesaga ebaso da, teda Godigo aga tau sabo usu egobeo.

Kolesaga Koneai Bidigo Pusali Po Elalubo Buku 7:15

Eno bidibo ula te olo nai tiwai elalubao, tialima ena te tǫde bidibo sogo eno te haniani kolesaga ebo suali. Eno suali, bidi mebago doloba pai kolesaga wali pali, tiali goli te bidi dabe augwali isalio. Te bidi mebago dwai kolesaga ebo eno suali, tiali goli augwali bobage sogo sesabi elama, bidibo dao.

Jopgo Po Asęani Elalubo Buku 36:6

Ma, agai suali yaide, we bidi dabego dwai kolesaga ebaso da, teda agai augwali bidimainu sula tagalobo meni. Tama agai nai meni yai bidi dabego sęgę dodolobo dao.