Jopgo Po Asęani Elalubo Buku 4:4 - Godigo dwagi yai po buku

⁴ Te we bidi genuai sęgę selama, tǫba tulaluai goli, nago augwalibolo dwagi yai po mawai. Tama nago te pogo augwali ma hodolai dao. Tama augwali ma bomo elama dolalumainogo nago augwali tau sali.

Jopgo Po Asęani Elalubo Buku 4:4 Referans Kwoze

Hibru 12:12

Godigo te dago ebo kolesaga dodolobo sę tama yaligo da, teda dagego agai po wali pabo kolesagade dage te bomo kimi isali bidi tiwai eyu biligimio. Te meni. Te dagego nogo te olo walalubo tiwai elalubo, te tagalao, dagego bomo ma sao. Tama te sągą kidu isai tiwai ebaso da, tagalama, te duga bomo elama dolaluao. Dage Godigo po wali pobadi, te dolo wiegi yai kolesaga naga yao, te bilibo bidi agai te dwagi yai dolo tųdu naga pabo tiwai yao. Te dage tomode bidibo bidi me deli aga Godigo po wali pabode bomo meniama tama aga tulaluidali weyu, dagego aga tau somainogo eyu, te dolo wiegi yai kolesaga naga eyu bidao.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

Bugagia Bidibo Kolesagade Po Asęai Buku 12:18

Te bidi mego aga po homu kone palama, bugagia me wasiąbaso da, teda agai te subigila wabo pogo te gasa bidigo haligade te bainat hwągo enebo tiwai ebao. Tiali goli, te wiegi yai homu elalubo bidigo pogo te bidi tau sabo, te wiegi yai marasingo tau sabo tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 145:14

Agai te tigidali sęgę elalubo we bidi, me te gasa bidi dabego aiyaba elalubo we bidi, augwali tigidali agai ugwaba siyu, tau sabo dao.

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

2 Korin 2:7

Tama tibaso, dagego gasa kolesaga me megi iyąo. Te dagego agai sęgę sela sąnama, tama aga homu nagame ilao. Tiyu genuai homu sęgę mugo te bidi aiyaba mu elaluabuo.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Jopgo Po Asęani Elalubo Buku 4:3

Eno koneani, nago dwagi yai homu we bidi hauwabolo mani. Tama nago bomo menia we bidi bomo ma ilali. Tede nago homu kone palao.

Jopgo Po Asęani Elalubo Buku 4:5

Tiali goli, hobede mu dwali. Megi dwai sęgęgo mu nage te mesegelai yaba. Tama nage noma siyu, nago homu sęgę genuai mu te eba. Awe, te sęgę nageba pedalubaso, nage noma mu sali.

Jopgo Po Asęani Elalubo Buku 29:11

“Te we bidi dabego eno po oda selama, augwaligo eno nogi ugwaba sai dao. Tama augwaligo eno ebo sę dabe subo sogo da, augwali eno ebo dwagi yai kolesagade gana peyu yai dao.

Jopgo Po Asęani Elalubo Buku 29:25

Ena augwaligo tobolu bidi tiwai bidama, tama eno augwaligo wali pabo kolesaga dodolama, ola mawai dao. Ena augwali dali bidali, te kingo aga ami bidi dali bidibo tiwai yali. Tama me eno augwaligo tabi dili ilali, te we bidi dabego bidi isaide gela obaso, tabi dili ilibo tiwai yai dao,” Jopgo te po wai.

Bugagia Bidibo Kolesagade Po Asęai Buku 25:11

Te bidigo te wiegi yai homu kolesaga me deli te hanilama, mu pusubaso da, teda agai po te wiegi yai piksa te augwaligo te golgo nigilama, tama te silvago au ilali tiwai ebo dao.

Aisaia 50:4

God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.