Jopgo Po Asęani Elalubo Buku 4:19 - Godigo dwagi yai po buku

¹⁹ Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Jopgo Po Asęani Elalubo Buku 4:19 Referans Kwoze

Jopgo Po Asęani Elalubo Buku 10:9

Konea, nago ena nigali te bidigo tǫ sene nigibo tiwai yai dao. Tama megi da, mena tama tialiwe? Nago homugo ena tǫ ma gagamainu ebawe?

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Jopgo Po Asęani Elalubo Buku 33:6

Te Godigo gedude da, dadi si te tiwai si naga dao. Agai tǫ selama, ena nigai dao. Deli tamago nage me nigai dao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

2 Korin 4:7

Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.

Godigo Nogi Ugwaba Sabo Tęąbi Po Wabo Buku Dabe 39:11

Nago te bidi me deliba wado eyu, tama aga yali sę wei ponoyu ebo dao. Tama nago te agai godolo ebo nai te mu siliyu yaibao, te asobago te ugwa togobo tiwai eyu, tama te ugwa dolobo tiwai ebao. Mu tama, tigidali bidi pedauwalide te po mobo wali asobo tiwai ebo dao.

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Jopgo Po Asęani Elalubo Buku 13:12

Te polo po dabe dagego pusali da, teda te olo nai mu dao, te isi nogobo sisi dulu tiwai dao. Tama me te pu anilai tiwai dao. Te augwali dili isąwai tiwai dao,” Jopgo te po wali.

Tigidali Nai Gagalama Nigali Side 18:27

Tialima, Abrahamgo po ma wali, “Genuai Bidio, nago eno te po hauwa wabode wado po wabo homu me elamuo. Ena olo bidi naga dao. Eno magi nai po deli me wagobeo.

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Godigo Nogi Ugwaba Sabo Tęąbi Po Wabo Buku Dabe 146:4

Te augwali isibo sogo, augwali te begelama, te tǫ ma pedalubao. Tama te sogo augwaligo te yaibao po wali sę tigidali te me egobeo.

Jopgo Po Asęani Elalubo Buku 22:16

Augwali monu dabe isąbo sogo, deli sogo tama Godigo augwali silali dao. Augwali te be me te genuai wę sesegede elaluai, te wę asiyu, te be dolama, masigi dali, ni nami dali si, te węgo tolasa pabo tiwai yali.

Jopgo Po Asęani Elalubo Buku 14:2

Da te plauwa tiwai kigamu pedalama, pio ma sasia pabo tiwai dao. Tama me e tiwai dao. Giliga noma pedalobo tiwai, tama pǫgo giliga polo halua sabo tiwai dao.

Jopgo Po Asęani Elalubo Buku 25:6

Te mu tama, da bidi agai gedude doloba pai menio. Da te tǫde dwasianu sawi tiwai dao. Da te olo nai osogane tiwai naga dao,” Bildatgo te po wai.