Jopgo Po Asęani Elalubo Buku 4:14 - Godigo dwagi yai po buku

¹⁴ Tama tibadi yaide, magi nai mego eno tigi wi ilama, tama eno tigi noma geninama mu sali.

Jopgo Po Asęani Elalubo Buku 4:14 Referans Kwoze

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Jopgo Po Asęani Elalubo Buku 33:19

“Tama me sogo Godigo bidi dodolobo te tobage kolesagago tibo dao. Godigo te bidi gasi ilama, tama te bidi bede pila muyu, nomona selama, dili dabe dene tigidali sogo ebo sę ilibo dao.

Dwagi Yai Gesi Po Lukgo Asęani 1:29

Te wegi Mariago te po odobo si, aga homu tųą palio. Agai homugo e bidigo magi po nama wabowe, te homu yali.

Dwagi Yai Gesi Po Lukgo Asęani 1:12

Tama Sekaraiago Godigo ensel bidi dolalubo sulama, moni noma sali, wi yali.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Daniel 10:11

Tialima, te bidigo enabolo te tama po wali, “Daniel, Godigo nage godolo mu ebao,” wali. “Nage hodaluama, te eno nageba wainu ebo poba te nago olo bugagia muao. Godigo digi ena tagala palobaso, tama ena nageba asali,” te po wai. Agai po ola simanobo si, tama ena dolugulali, tiali goli ena didibili me idualio.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Jopgo Po Asęani Elalubo Buku 7:14

Tiali goli, ena pibo sogo nago ena haniani na ilama, tama eno te tobage hwą bidi suyu ebo.

Jopgo Po Asęani Elalubo Buku 4:13

Te po eno hulide sali. Te bidi dabe sese mu godege pilama tomo mu igi paide. Ena pila mubadi yaide, te haniani kolesaga eno tobolude iba oba ida wali.

Jopgo Po Asęani Elalubo Buku 4:15

Tama dwasianu wali eno gesabididu aselama, eno gesabidi pona sąyani. Teda ena wi genuai mu elama, tama eno tigi nisi hodaluali.