Jopgo Po Asęani Elalubo Buku 4:13 - Godigo dwagi yai po buku

¹³ Te po eno hulide sali. Te bidi dabe sese mu godege pilama tomo mu igi paide. Ena pila mubadi yaide, te haniani kolesaga eno tobolude iba oba ida wali.

Jopgo Po Asęani Elalubo Buku 4:13 Referans Kwoze

Tigidali Nai Gagalama Nigali Side 15:12

Tama elama, tama te giliga degegi painu ebode te Abram aga godege pialima, te isai tiwai mu yai. Agai pilamubadi, te agai nade subo nai tiwai te moni dwai be huli mu sulama, te aga wi dwai mu eyu bidali.

Tigidali Nai Gagalama Nigali Side 2:21

Tialima, Yawe Godigo te bidi piao olama, isai tiwai elaluali. Tama bidi pila mubadi, Godigo te bidigo punali dili me deli selama, tama te pesagede te mi ma dąų walali.

Daniel 10:9

Tialima, eno te bidigo po wabo odali, tama eno agai dogonide po wabo odobo sogo, eno gedu gęǫ page elama, tama ena te tǫba degasa dulama, te ena isai bidi tiwai elama, tama ena gesabi tǫba ponama, pila muai.

Daniel 8:18

Agai po odubadi yaide, ena gedu gęǫ page elama, tama ena tǫba mu degasa dulali. Tiali goli, agai ena nogo tola selama, te ena ugwaba sagolama, tama ena dolugulai.

Daniel 4:5

Tiali goli, me sogo deli sogo hulide eno na elama, tama ena wi dwai mu yalio. Ena te eno bet saide pila mubadi, tama te eno homude suali nai dabe augwaligo ena wi dwai mu ilalio.

Daniel 2:19

Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Tigidali Nai Gagalama Nigali Side 46:2

Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Tigidali Nai Gagalama Nigali Side 28:12

Te aga piali sogo te aga na ebadi suali, te togobili me deli page te tǫde elalu, te aga tobolu te dagalude ugwaba ilama elaluai. Tama te Godigo mobo bidi ensel dabe te togobilidu ugwaba holoyu, aiyaba duluyu ebo, te agai suali.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Jopgo Po Asęani Elalubo Buku 4:14

Tama tibadi yaide, magi nai mego eno tigi wi ilama, tama eno tigi noma geninama mu sali.