Jopgo Po Asęani Elalubo Buku 4:11 - Godigo dwagi yai po buku

¹¹ Tama te bulu yowi laion aga tuabo nai meniama, tama isibosi, augwaligo wai dabe wi tedela pabo. Te tiwai te dwai bidi dabe tigide ebo dao,” Elifasgo te po wali.

Jopgo Po Asęani Elalubo Buku 4:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 34:10

Awe, te boma pai ogwa bidi laion dabe me sogo te bulu hasa dabe sǫą peyu, tama augwali nasi eyu, augwa bomo kimi isaibao. Tiali goli, te Genuai Bidi wali pabo we bidi dabe da, augwali te wiegi yai nai dabe me sǫą pogobeo.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Godigo Nogi Ugwaba Sabo Tęąbi Po Wabo Buku Dabe 7:2

Tiyu, te ena augwaligo dolidalio, te laiongo bidigo tigiwali togobo tiwai gilama idalio. Tiyu, te augwaligo ena te gasaba me kekasa peyu, tama ena ma sainu yabo bidi me deli meni yaibao.

Jopgo Po Asęani Elalubo Buku 38:39

Tama Genuai Bidi agai po genina ma weyu, e tama wali, “Jop, mena tama tialiwe? Te nago te bulu hasa dabe te laion yowi te tǫ dedagede, me te bulu sesawai madi geme dualubo madi pąba asomainu elama, te laion yowi dabego ela tumainu ebaso, te augwa nasi ebo silimainu ebo da, agawe?

Jopgo Po Asęani Elalubo Buku 1:19

polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.

Israel Hanigo Namba 24:9

Israel dabe te boma pai laion tiwai dao. Te aga pilamubadi da, te bidi me deligo aga hodolobo usu egobeo. Ma, te bidi mego Godigo te Israel dabe dali wiegi yai sę yao po wali da, teda eno homugo Godigo te bidi dali wiegi yai sę yaibao. Ma, te bidi me deligo Godigo te Israel dabe dolomainao po wali da, teda eno homugo Godigo te bidi dolaibao,” Balamgo te po wai.

Israel Hanigo Namba 23:24

Israel dabe te boma pai uni yowi laion tiwai dao. Aga toma polo tubo menio. Agai te hasa elama, mi pepedama tuyu ebo dao, tama te hasa dabego kaneme me tubo dao, tama nosali aga toma tubo dao.”

Tigidali Nai Gagalama Nigali Side 49:9

Juda, nage te gesi ogwa bidi laion me deli tiwai. Agai te aga hasa elama, tama nosali te aga geme dualalubo pesagede geme ma duala sigi pabo tiwai yali. Juda te ogwa bidi laion me deli tiwai aga da. Agai te aga sągą dili dodolama, tama nosali aga pibo da. Tama me deligo te aga dali hagoma me eyu me egobeo.

Jopgo Po Asęani Elalubo Buku 5:4

Ao, augwa wai puluba dabe bugagia bidabo sunumi meni yai. Tama bidi dwai dabego augwali po tų ebode aiyaba elaluainu ebaso da, teda augwali po tų ebode kisa sabo hai namu meni yaibao, te po tųde ela holabo.

Jopgo Po Asęani Elalubo Buku 5:15

Tiali goli, Godigo te nai meni yai bidi tau sabo dao. Ma tagala, te bomo yai genuai bidi dabe da, augwaligo te nai meni yai bidi dabe dologobeo.

Jopgo Po Asęani Elalubo Buku 20:10

Tama aga wai pulubago augwa ayago wi sali nai te nai meni yai bidi dabebolo wei ponaibao. Te doado bage aga digi te nai meni yai bidide wi sali nai wei ponaibao.

Jopgo Po Asęani Elalubo Buku 29:17

Dwai kolesaga ebo bidi dabego bomo eno silai dao. Tama te we bidi dabe augwaligo nogode eno augwali ma oda sai dao,” wali.

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.