Jopgo Po Asęani Elalubo Buku 39:12 - Godigo dwagi yai po buku

¹² Tama nago homugo agai nago wit nai giba pelama, tama te wit nai inayali sela aselama, te wit nai yabe dali, bo dali sela sąyao po waibawe?

Jopgo Po Asęani Elalubo Buku 39:12 Referans Kwoze

Matyu 13:30

‘Dagego te si dali si holomainao, te si holama, tama te nai sabo sogode te usu naibao. Tama te nai sabo sogo eno te nai togwa sabo sę ebo bidi augwalibolo te po waibao, “Dagego te dwai noswai bolo hasia sisinama, tama dunama, siade ulainogo kęnama muao. Tiali goli, dagego te wit da, te te sisinama te eno nai mubo beba muao,” eno te po waibao,’ te bidigo te po wali,” Jisasgo te po wai.

Matyu 3:2

“Dage dwai kolesaga yalide ge neyu, homu geasa peyu bidiąo. Magi baso meni. Te dagalude bidibo bidi God agai we bidi tonalubo sę yabo bomo te pąba asai dao, dage te bomo dologoba asiąo,” te po wali.

Hagai 2:19

Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Amos 2:13

Genuai Bidigo po ma weyu, te po wai, “Tialima, megi da, eno dage aiyaba elaluaibao. Tama dagego te genuai sęgąį nai tolai bidigo tigi dene ebaso, gela wabo tiwai mu yaibao, te aga tudi badu dene ebaso wabo po waibao.

Bugagia Bidibo Kolesagade Po Asęai Buku 3:16

Te wiegi yai homu ebo kolesagago te nage tau selama, tama nage te tǫde bobobage sogo sesabi elama bidaibao. Tama agai nageba genuai nogi mayu, tama nageba doado bage hauwa mawaibao.

Nehemia 13:15

Te sogo eno suali, te meba Juda dabego te nedu du wain agalama, tama te Sabat side wain wę siyu nigali. Tama te gasa Juda dabego te wit nai, me wain, me te wain nedu du wai, me te ni kaya fik, me te gasa tobage nai dabe selama, te donki daiba munama, tama te Jerusalemba sela pabo sę yali. Tama te Sabat side te eno augwaliba bomai po wali, “Te side da wabo sogo te we bidi dabego te nai dabe abelimainu me ilamuo,” po wali.

Jopgo Po Asęani Elalubo Buku 39:11

Nago koneani, agai bomo genuai mu elalubo. Tama tibaso, nago homugo agai nage tau selama, nago genuai sę yaiba eyuwe?

Jopgo Po Asęani Elalubo Buku 39:13

Te tǫli tiwai genuai ba dabe dwagi yai homu ebo sogo da, te augwa bogo memenege ebo dao. Tiali goli, augwaligo te bobobage dogoni bago ebo gilama, augwali augwa wai dabe dali dwagi yai sę ilibo menio.