Jopgo Po Asęani Elalubo Buku 34:7 - Godigo dwagi yai po buku

⁷ “Mena gasa bidigo Jopgo yali dwai sę tiwai yai dawe? Jopgo Godiba posobo po genina mu wali.

Jopgo Po Asęani Elalubo Buku 34:7 Referans Kwoze

Jopgo Po Asęani Elalubo Buku 15:16

Tiali goli, da tǫde bidi da, da dwagi yai mu menio. Dago kolesaga da, damua pai mu dao. Dago dwai sę yabo homu godolo naga ebo dao, dogoni wa pai bidigo wę gegebo tiwai dao,” wali.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

Bugagia Bidibo Kolesagade Po Asęai Buku 4:17

Te dwai kolesaga ebo, me te gasa bidi dolobo kolesaga, te augwa tubo nai me wę tubo tiwai gilama ebo dao.

Jopgo Po Asęani Elalubo Buku 12:4

Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

Bugagia Bidibo Kolesagade Po Asęai Buku 19:28

Te dwai kolesaga ebo bidi te po tų ebo witnes bidi pedalubaso da, teda agai te po tų tibo eyu, te dolabo homu pemene ebo dao. Te dwai kolesaga ebo te tobage bidigo te tubo nai tiwai ebo dao.

Jopgo Po Asęani Elalubo Buku 36:17

Tiali goli, megi da, Godigo nage tonobo da, dwai sę ebo bidi tiwai tonobo ąǫ te ebao. Tama agai nage dali po tų ela mayu, tama nage tigide dene genuai mu te mabo sę yali dao.