Jopgo Po Asęani Elalubo Buku 32:8 - Godigo dwagi yai po buku

^8-9 Tiali goli, bidi mego kibu be hauwa elama, dwagi yai homu kolesaga agai naga elalugobeo. Menio. Tigidali Bomo Elalubo Godigo Mobo Bidi daba aselama, da dwagi yai homu kolesaga dabe mabo dao. Tama tibaso, polo monu dabego naga te dwagi yai kolesaga dali, dwai kolesaga dali si dagalogobeo.

Jopgo Po Asęani Elalubo Buku 32:8 Referans Kwoze

Jopgo Po Asęani Elalubo Buku 38:36

Dego mu te bobobage dogoni yai bago te tama wę bole asaiba po omainu dego kolesaga mawai dawe? Tama dego te gogolo ba dabebolo be posobode po omainu dego kolesaga mawai dawe?

Jopgo Po Asęani Elalubo Buku 33:4

“God Tigidali Bomo Elalubo Bidigo Mobo Bidigo ena nigai dao. Tama agai mobo ena menama yaligo ena bidibao.

Polgo Si Wali Pas Timotiba Asęani - 2TI 3:16

Te Godigo Mobo Bidigo digi te tigidali wiegi yai po bukude asęani bidi dabe tau selama, tama augwaligo te po te bukude asęai dao. Tama te dwagi yai kolesaga dabolo ola mabo sę me, tama dena dwai sę denabolo ola mabo sę me, tama da bilibo kolesaga ma dodolobo sę me, tama dabolo te doloba pai kolesaga ola mabo sę me, te sę tigidali ebode te Godigo bukude asęani po usu dao.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Bugagia Bidibo Kolesagade Po Asęai Buku 2:6

Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

Te Israel me Juda Hani Sigo Tuni Bidigo Po Elalubo Buku Deli 3:12

Tama tiyu, te mu tama, nago enaba te hanalu wali nai te eno nage mawaibao,” wali. “Megi da, te eno nagebolo te konebo wiegi yai homu kolesaga hauwa mawaibao,” po wai. “Polobadu te bidi me deligo te tobage kolesaga koneai me elalubeo, tama te nosali me te bidi me deligo nago te koneani kolesaga tobage tiwai te bidi mego sogobeo.

Daniel 2:21

Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Jopgo Po Asęani Elalubo Buku 35:11

Agai da ola mabode da homu kolesaga hauwa mu sabo dao. Tama dago homu kolesagago bulu ba hasa dabego kolesaga edelai elalubo dao.’ Te sęgę tolobo bagego te po wabo dao.

Jopgo Po Asęani Elalubo Buku 33:16

tama te na dabede da, da ola mabo dao. Tama da dwagi yai kolesaga menama, tama dago bidi kolesaga dodolomainu ebo dao. Tama agai te po dago homude dąų walumainu ebo dao.

Te Israel me Juda Hani Sigo Tuni Bidigo Po Elalubo Buku Deli 3:28

Nosali te king Solomongo te we sigo po dodolali kolesagade po te tigidali Israel we bidigo te po odolama, tama agai te koneani wiegi yai kolesagade te augwali dwai noma mu sai. Tama augwaligo agaba te genuai nogi mawai, magi baso meni, augwa koneani, te Godigo digi te wiegi yai koneani homu kolesaga te kingba menama, tama te kingo te we bidi dabego po tų bugagia dodolumainogo te homu kolesaga mani da, te homu yai.

1 Korin 12:8

E tiwai dao. Te Godigo we bidi hani tomode te bidi me delibolo te Tedali Mobo Bidigo te we bidi dabebolo te Godigo wiegi yai homu kolesaga ola maiabo homu kolesaga agai olo mabo dao. Tama te gasa bidibolo te Tedali Mobo deligo naga te Godigo kolesaga te we bidi augwaligo bugagia konemainogo te po pusubo sę ebo homu kolesaga mabo dao.

Tigidali Nai Gagalama Nigali Side 41:39

Tialima, Ferogo te po Josepbolo wali, “Godigo digi nagebolo te sę dabe ola manio. Tama tibaso, mena bidi me deligo te nago te homu kolesaga dagalabo kolesaga tiwai me elalugobeo, te nago koneani homu kolesaga tiwai me elalubeo.

Te Israel me Juda Hani Sigo Tuni Bidigo Po Elalubo Buku Deli 4:29

Godigo te wiegi yai homu me konebo homu kolesaga te Solomonba mawai. Agai koneani kolesaga te umabo mu, te nabis wę sanede te masigi kemi tiwai elalu, tama te bidigo nedainu ebo te usu me egobeo.

Tigidali Nai Gagalama Nigali Side 41:38

Tama tibaso, agai te po augwalibolo wai, “Te e bidide te Godigo Mobo Bidi elalubao. Dago te tobage bidi tiwai te menade suai dawe?”

Jopgo Po Asęani Elalubo Buku 12:13

Tiali goli, Godigo homu kolesaga dali, te dwagi yai kolesaga sigo te polo bidi dabego kolesaga edelai elalubo. Tama agai genuai bomo me elalubo. Agai magi sę me yainu yali da, agai eyu naga ebo dao,” wali.

Jopgo Po Asęani Elalubo Buku 27:3

Tiali goli, eno te sesemane sogo bidibo Godigo nogi weyu, nogo guni sisu, eno mu po naga obao. Te Godigo ena me bidimainu eyu da,

Te Israel me Juda Hani Sigo Tuni Bidigo Po Elalubo Buku Deli 5:9

“Te eno sę bidi dabego te Lebanonde te ni dabe togolama, tama te nabis wę saneba sela dulaibao,” wali. “Tama augwa te ni dabe te tamu ąįba sisinigi pelama, tama bonogo bomonama kęnama, seseba dabe nigilama, tama te augwaligo nageba sesaiba,” wai. “Te augwaligo sela asiyu, te nago mena badu tuagasabo te dąį ilali pesage nabis badu tuagasomainu yaibao. Tama tede, te eno sę bidi dabego te bono dabe pisiginama, tama naga sę bidi dabego te ni dabe somainu yaibao. Te nai me delide eno homugo nago te sę emainu homu ebao. Eno homugo nago te nai dabe tolomainu homu ebao, te ena dali te eno bede bidibo hani dabe dago tuabo nai dao,” Hiramgo te po ola tolali.

Jopgo Po Asęani Elalubo Buku 12:16

Godigo genuai bomo dali, kolesaga dali elaluyu yaide, tigidali sę agai yabo homu ebo dao. Te ili po wabo bidi dali, te ili po wali pabo bidi dabe dali si, te tigidali tama Godigo nogode naga munalubo.

Bugagia Bidibo Kolesagade Po Asęai Buku 20:27

Te da deli delide elalubo mobo bidi te lam sole tiwai te Genuai Bidigo dabolo menama, te dago homude ebo kolesaga tigidali te sumainu elama, tama dena te bugagia dagala sumainu tebo dao.

Aisaia 28:26

Godigo digi aga te nai wai bulama, sela tubo kolesaga ola mani dao.