Jopgo Po Asęani Elalubo Buku 32:2 - Godigo dwagi yai po buku

² Tiali goli, gesi bidi me deli augwali pagede bidama, augwaligo po wabo odaluali. Agai nogi Elihu, te Badakelgo wai. Elihu te Ram sibigo wai, tama te Ram te Bus hani. Tama Elihu agai wado po genuai mu Job dali wainu yali. Magi baso meni. Jopgo te po wali, Jop agai da, dwagi yai kolesaga ebo dao olama, Godigo ebo kolesaga da, dobo dao wali pode.

Jopgo Po Asęani Elalubo Buku 32:2 Referans Kwoze

Tigidali Nai Gagalama Nigali Side 22:21

Te e da te wai dabe augwali nogi e dao, Us te gomunai bidi, tama Bus, me Kemuel, aga te Aramgo aya dao,

Jopgo Po Asęani Elalubo Buku 40:8

Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?

Jopgo Po Asęani Elalubo Buku 35:2

“Jop, nago te po wali, ‘Eno kolesaga dwagi yai, ma Godigo kolesaga dolo menio,’ po wali. Nago homugo te po dolo te wali dawe?

Jopgo Po Asęani Elalubo Buku 27:5

“Tama tibaso, dagego bugagia mu odao. Te po dagego enabolo wali po dabe mu tama menio. Eno te homu ebo dao, tama te homu hasegelegobeo. Magi baso meni. Eno haliga dali, homu kolesaga dali si dolo mu Godigo gedude elalubo. Tama eno po bomo elama, e tama wali. Eno dwai kolesaga dabe, magi sę dabe me, te dwai dwai nai dabede me ebeo. Tama eno te deli po naga ola pidubadi, ena isibo sogoba siligi paibao.”

Efesus 4:26

Tama me sogo dagego homu sębę eyu da, teda dua dao, te dagego sębę ebo homugo dage te dwai sę ebo kolesaga tomoba kekeidali weyu. Tama te giliga piode dega sigi pisiabadi te homu sębę polo tagalama silao.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Dwagi Yai Gesi Po Makgo Asęani 3:5

Tama agai augwaliba tonono bilama, tama augwaligo te nogo dwai bidi homu dene esiąbaso, aga sębę yali. Tama agai augwaligo tabi dagana sabo sulama, tama aga tede homu sęgę yali. Tama agai po te bidibolo wali, “Nage nogo debelao.” Tibaso, aga nogo debelali, tama nogo wiegi yai ma pedalali.

Godigo Nogi Ugwaba Sabo Tęąbi Po Wabo Buku Dabe 69:9

Eno te nago tedali wiegi yai be te godolo mu elama, tama eno te be wiegi yai bugagia elalumainu, te sę bomo ebao. Te bidi dabego nageba wabo dwai po, tama te po enaba me boaga sobao.

Jopgo Po Asęani Elalubo Buku 30:21

Nago ena hobede dwasianu eyu, me olo tau sabo sę me ebeo. Menio. Nago ena te nago tigidali bomogo dolaiba homu naga ebo dao.

Jopgo Po Asęani Elalubo Buku 27:2

“God Tigidali Bomo Elalubo Bidigo enade dolo yai sę isąma yai digi, megi da, ena dolama mu bidibao. Agai odisąma, eno po tų bugagia sulama dodolobeo. Tama tibaso, ena haliga tigi sębę agai te kolesaga ebode ebao.

Jopgo Po Asęani Elalubo Buku 10:3

“Mena tama tiali? Nago homugo naga digi nigai bidi dolobo usu dawe? Te dwagi yai kolesaga dawe? Ma, te kolesaga nago bidi dwai dabe homu dwagi yai ilibo, te dwagi yai kolesaga dawe?

Jopgo Po Asęani Elalubo Buku 32:3

Tama agai Jop aga abagi sela dali me wado yali. Magi baso meni. Augwaligo Jopgo po wei bugagia ponabo usu isąbaso. Augwaligo po olo e tama wali, Jop agai dwai sę elama, dwai kolesaga dabe yai dao wali.

Jopgo Po Asęani Elalubo Buku 15:5

Nago dwai sę yali. Nago te tobage pogo naga yali dwai sę aiyaba mesegelainu elama, halubo po tiwai te obao. Nago po te ili po wabo bidigo po tiwai.

Jopgo Po Asęani Elalubo Buku 22:5

Jop, nago haniani dwai kolesaga mu yai dao, tama silibeo. Tama te po pagede naga God nage po tų te ela mobao,” wali.

Jopgo Po Asęani Elalubo Buku 33:8

“Tiali goli, eno nago po odali. Nago po bomo elama, e tama wali,