Jopgo Po Asęani Elalubo Buku 32:11 - Godigo dwagi yai po buku

¹¹ “Eno odama, dagego po tigidali osola suali. Dagego yaide dwagi yai homu kolesaga elalubo po naga homugo gegeyu, bomai sę mu yali, tama Jopbolo pusali. Tama eno dagego pusubo poba olo sagana muyu odaluali.

Jopgo Po Asęani Elalubo Buku 32:11 Referans Kwoze

Bugagia Bidibo Kolesagade Po Asęai Buku 28:11

Te mone hauwa elalubo bidi dabego te homu yai, te augwaligo koneani kolesaga te hauwa elalubo homu yai. Tiali digi, te wiegi yai homu elalubo magi nai meni yai bidigo, agai te augwaligo kolesaga page mu konebo dao.

Bugagia Bidibo Kolesagade Po Asęai Buku 18:17

Te bidi me deli te po tųba doligi pelama, te po mibo sogo, te agai po te ugwaba ela holobo ąǫ yai. Tiali goli, te gasa bidigo agaba hanalu, te po page hanilama wao po wabo sogo, te bidi dabego te dego mu ela hologowe, te me konebeo.

Jopgo Po Asęani Elalubo Buku 32:4

Elihu aga pedauwali pania selama, te monu dabego po omainu yai. Tama megi tama agai homude yali po Jop dali pusainu yali.

Jopgo Po Asęani Elalubo Buku 29:23

Te bidi dabe augwaligo eno po bugagia sainu olo saganama, odai dao. Augwali te moni giliga nanai digi te tulubage tulubaso, te dwagi yai homu ebo tiwai yai dao.

Jopgo Po Asęani Elalubo Buku 29:21

“Te bidi dabe augwaligo yabo kolesaga po eno ola mabo sogo da, augwali pedauwali pania selama, olo saganama, bugagia eno po odai dao.

Jopgo Po Asęani Elalubo Buku 5:27

Jop, dago sulama, homugo koneama, tama dago mu suali, te nai dabe tama dago mu koneani, te mu tama mu dao. Eno te po pusali, te nage tau somainu. Tama tibaso, nago olo sąganama, bugagia odama, tama homu kolesaga bugagia sao,” Elifasgo te po wali.

Jopgo Po Asęani Elalubo Buku 32:10

Tama tibaso, eno me ena homude elalubo po pusaibao. Tama eno homugo dagego me odao,” Elihugo te po wali.

Jopgo Po Asęani Elalubo Buku 32:12

Tama eno suali, dage me deligo Jopgo po dolo menio olama wabo sube. Tama dagego agai po wei dolo ponobeo.