Jopgo Po Asęani Elalubo Buku 30:4 - Godigo dwagi yai po buku

⁴ Tama augwaligo te dwasianu ha ebo ni gudama, tama te ni sele bono, me te ni yabe me sese tula silai dao.

Jopgo Po Asęani Elalubo Buku 30:4 Referans Kwoze

Dwagi Yai Gesi Po Lukgo Asęani 15:16

Tama te gesi bidi moni nasi baso, agai te homu yali, ‘Eno te kibu dabego tubo ni du dabe tugi sogo da, teda usu igi da,’ wali. Tialima, bidi mego agabolo tubo nai mabe.”

Amos 7:14

Tama Amosgo te tiwai po Amasiabolo wei ponani, “Ena te gasa profet dabe meba tiwai meni, tama eno te profet po wabo sęde mone sabo sę me ebeo. Ena te sipsip dabe tonalubo bidi me deli naga tama, tama eno te ni kaya fik dabe tonalubo sę iduai dao.

Te Israel me Juda Hani Sigo Tuni Bidigo Po Elalubo Buku Deli 19:4

te agaduba digi te tǫ wa pai bulude bilidubadi, te deli sogo bubugaba usu nai. Te aga ni me deli elalubo madi pedelama, te ni dologode dugulaluyu, gedu haluasa po te tiwai wali, “Genuai Bidi, enaba te pedelali sęgę dabede ena usu yalio. Te megi eno homugo nago ena isimainu sula tagalao, magi baso meni, ena wiegi yai bidi me elalubeo. Menio. Ena te ena wąį nǫų dabe tiwai gagawai dao,” wali.

Jopgo Po Asęani Elalubo Buku 30:3

Te bidi dabe augwali nai menia sai mu olo sisinama, tama augwaligo tabi tigi nasi hagede gela obaso da, teda augwali te bidi meni yai buluba pai dao. Tama augwali dwasianu dwai nai dabe tede gegai dao.

Jopgo Po Asęani Elalubo Buku 30:5

Tama augwali be pąba asobo si da, teda te be nanide bidali we bidigo hae menama, sela sąsą pai dao, te bidi dabego nai wi sabo bidibolo ebo tiwai yai dao.