Jopgo Po Asęani Elalubo Buku 3:4 - Godigo dwagi yai po buku

⁴ Mu, te Godigo dwagi yai mu elama, te sogo hulide me hulia sai me elalugi sogo da, usu mu igi dao. Ma, te giliga nanomai ebo tagaligi sogo da, usu igi dao.

Jopgo Po Asęani Elalubo Buku 3:4 Referans Kwoze

Kraisgo Geme Dualali Sę Pedelabo Po Jonbolo Ola Mani 16:10

Tama te tudi badu te nogo a naga wali ensel mobo bidigo agai pou te dwai hudigi ebo hasago tuni bidi duabo naiba gelai. Tama te hudigi ebo hasa dologode bidali bidi augwali bidibo digi be hulia sabo te dolo pedalai. Tama augwali dwai dene mu sali, tama tilama augwa hamena ma halua tuyu bidai.

Godigo Sęba Tagala Palai Bidigo Po 27:20

Tama da te moni tamu ąįde hauwa sogo bidali, te tulubage me, te pǫ me kisu dali, dago dagalu sube. Tama dago te giliga me, hǫ me hauwa sogo sube, te hǫgo dago bulu te badu elaluba homu ebe. Tama te moni wali agai te moni ąį bǫį hodolali. Tama tibaso, da gisiga bidibe. Dago te homu yali, ‘Da tigidali e gebade tamadi isilaibao,’ homu yali.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Amos 5:18

Dage tigidaligo homugo te Genuai Bidigo Bodolu Side asesa pedalumainao homu ebao. Tiali goli, dage hobede mu ebao. Mena wiegi yai sę mu dageba te side pedelaibawe? Dagego homugo te be posobo si da homu eba, agawe? Mu menio. Te be hulialubo side naga dao.

Joel 2:2

Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Bomai Po 11:12

God dago Genuai Bidigo te tǫ tigidali polua me kibu bede bugagia tonalubo dao, sesemane sogo,” wali.

Jopgo Po Asęani Elalubo Buku 3:3

“Te Godigo ena idago haligade elalubadi yaide, teda tama doligi sogo da, usu igi dao. Tama ena idago ena ame nani sogo me tama doligi sogo da, usu igi dao.

Jopgo Po Asęani Elalubo Buku 3:5

Te mu tama, Godigo te ena ame nani sogo mu gegeda pigi sogo da, usu igi dao. Mu da, agai ena ame nani sogo mu hulialugi sogo, tama sisi pǫgo te sogo dagalude hulia selama, te giliga palialugi sogo da, usu igi dao.