Jopgo Po Asęani Elalubo Buku 3:15 - Godigo dwagi yai po buku

¹⁵ Tama tialima, ena me augwali dali bugagia pila mugi da, te genuai bidi dabego te silva dali, gol dali si augwa bede pągąnani, tama te bage augwali polo isai dao.

Jopgo Po Asęani Elalubo Buku 3:15 Referans Kwoze

Sekaraia 9:3

Tair te bomai taun pedelali te augwaligo dila pai masigi banisgo te taun bagulali. Tama augwaligo te hauwa silva me gol sisinani, tama te silva me gol te augwaligo gedude olo nai tiwai elaluali.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Aisaia 2:7

Te Israel dabego tǫ te silva, me gol, me hos, me karis dabego mu pągąna pali. Tama bidigo nedebo usu egobeo.

Jopgo Po Asęani Elalubo Buku 22:25

Tama nago God agai nago homude te dwagi yai gol dali, silva dali si hasegelainu yao.

Jopgo Po Asęani Elalubo Buku 12:21

Agai tobolu bidi dabego nogi aiyaba ilama, tama augwali nai meni yai bidi gagalobo dao. Tama agai bomai bidi dabego bomo me silibo dao.

Te Israel me Juda Hani Sigo Tuni Bidigo Po Elalubo Buku Deli 10:27

Te Solomon king bidali sogo, agai te silva me te bǫ ni hauwa te Jerusalemba sesali. Tama te sogo te silva hauwa mu elaluai, te olo masigi dabe tiwai elaluai. Tama te ni bǫ me hauwa elaluali, te olo ni dabe te Israelde te dwasianu bulu dude sai ni dabe tiwai elaluai dao.

Israel Hanigo Namba 22:18

Tama augwali pelama, sabolama, te po Balamba pusali. Tiali goli, Balamgo te Balakgo sę bidi dabebolo te po wali, “Te Balakgo ena agai be te silva de gol sigo pągąnama, tigidali mobadi me tagalao. Eno Godigo po me sela sągobeo. Te eno Genuai Bidigo magi nai me dabede me sela sągobeo.

Jopgo Po Asęani Elalubo Buku 3:16

Magi baso ena ena idago haligade isisąma yaliwe? Magi baso eno te giliga ula susiąma ebadi, eno idago haligade isilama pubalobewe?”

Godigo Nogi Ugwaba Sabo Tęąbi Po Wabo Buku Dabe 49:18

Tama aga e tǫde bidibo sogo te bidi agai te tigidali nai dali dwagi yai homu yai. Agai sę bomo elama, nai hauwa sai, tama bidi augwaligo te po wai, “Aga dwagi yai bidi dao.”