Jopgo Po Asęani Elalubo Buku 3:13 - Godigo dwagi yai po buku

¹³ Ma, ena isigi sogo da, teda ena pila muyu, hodo bugagia doloyu, pila mugi dao.

Jopgo Po Asęani Elalubo Buku 3:13 Referans Kwoze

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Jopgo Po Asęani Elalubo Buku 21:23

Eno sulama, we bidi me badu augwa bidibode dwagi yai bugagia bidibo suali, te dǫgai hauwa yai hasa tiwai dao. Augwali gasi me isąma, sęgę me isąma, tama bidama, augwa isibo bodoluba sabalobo si tama isiyu ebo.

Jopgo Po Asęani Elalubo Buku 21:13

Tigidali sogo dwai bidi dabe augwali bugagia bidiyu ebo. Tama augwali isilama, isibo bidi dabego buluba painu ebo si da, augwali gasi elama, dene me eyu ebe,” wali.

Jopgo Po Asęani Elalubo Buku 19:27

Awe, gasa bidi dabego naga God sugobeo. Menio. Ena digi me ena God sueibao. Ena aga suabo homu bomo mu ebao.

Jopgo Po Asęani Elalubo Buku 17:13

Isai bidi dabego bulu naga eno tonaluyu, tama te da eno be elalubo ąǫ igi sogo da, teda ena dwai bidigi dao. Tama ena te bulude pila muyu, tama huli sesabigo ena mesega sai elalugi da.

Jopgo Po Asęani Elalubo Buku 10:22

Te bulude tigidali nai dabe dolama, me elalube, subigila mu elalubo. Tama ula mu meni. Magi baso meni. Te bulu huli sesabigo halua sai mu elalubo,” Jopgo te po wai.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Jopgo Po Asęani Elalubo Buku 3:12

Magi baso idago ena agai teleba munama, magi baso ame maniwe?

Jopgo Po Asęani Elalubo Buku 10:21

“Tama nosali da, eno e tǫ tagalama, nosali da, ena hulia sai buluba mu bidigi paibao. Tama ena ma asogobeo.

Jopgo Po Asęani Elalubo Buku 14:20

Nago bomogo augwali aiyaba elaluama, tama augwali isibo dao. Tama augwali isila pali sogo, augwaligo gesabidi gasagi yai pedalobo dao. Tama nago augwali te isila pali bidi dabego buluba taga palobo dao.

Jopgo Po Asęani Elalubo Buku 16:22

Magi baso meni. Ena bidibo sogo bodolu pęwadage mu elalubaso, eno homugo kibu be deli o si elalubao. Tama ena isibo sunumidu pelama, tama ena ma asogobeo,” wali.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Jopgo Po Asęani Elalubo Buku 21:26

Tiali goli, tigidali we bidi isiyu naga ebo dao. Tama augwali tigidali gų pagede deli madi kigilama, pila muyu, da tiwai si naga ebo dao. Tama te osogane dabe augwali tigide pągąbo dao,” wali.

Jopgo Po Asęani Elalubo Buku 24:19

Te giliga nanobo sogo da, te pǫ dabe tedela pelama, silibo dao. Tama tiwai me, te isali bidigo bulude te dwai we bidi sabo dao, tama augwali sese mu silibo dao.

Jopgo Po Asęani Elalubo Buku 24:20

Tama augwaligo tigi te dwasianu osogane dabego pusai nai gagabo dao. Tama bidigo augwali kone me egobeo. Tama augwa ida mugo me homu kone me egobeo, mu gegeda paibao. Tama augwaligo dwai kolesaga me sese mu silaibao. Dagego te tiwai po wabo dao,” Jopgo te po wali.

Jopgo Po Asęani Elalubo Buku 26:5

“Tagala te isai bidi dabe tamu wę dologode bidibo me, augwali Godide duagobeo. Augwali Godigo gedude hania mu bidibo dao. Tama agai augwali tonobo sogo da, augwali wi elama, noma genuai mu sabo dao.

Jopgo Po Asęani Elalubo Buku 34:22

Tama tibaso, te dwai kolesaga ebo we bidi dabego hulia sai duala sabo madi me elalubeo.

Esekiel 32:27

Te bidi dabego te ami bidi dabe augwali te dwai bidi dabe pubalobo tiwai tama pubalai dao. Augwaligo te polobadu bidali genuai nogi yai ami bidi dabe pubalobo tiwai kolesagago pubulai menio. Augwaligo te nogi yai polobadu bidali bage pubaluyu, augwaligo augwa bainat augwa tobolu dologode muyu yai dao. Te Mesek me Tubal dabe augwali augwa dagede augwali isalio. Magi baso meni. Te augwali bidibadi, augwaligo te we bidi hauwa wi mu iliyu yai dao,” wali.