Jopgo Po Asęani Elalubo Buku 27:7 - Godigo dwagi yai po buku

⁷ “Eno homugo bidi dabe ena dali boi bidi homu ebo bidi dabe dene momaina homu ebao. Agai deli kolesaga naga augwali tigide emainao, te dwai kolesaga ebo bidi dabede ebo tiwai.

Jopgo Po Asęani Elalubo Buku 27:7 Referans Kwoze

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

2 Samuel 18:32

Kingo odolama, tama te po wai, “Te eno ogwa, Apsalom, aga te bugagia bidibawe, ma meniwe?” Tama te Sudan bidigo po wei ponoyu, te tama po wai, “King o, eno homugo te tobage sę te gesi ogwa bidiba me pedalumainu homu eyu, te nago boi bidi tigidaliba me, te nage dali hwįainu eyu, te nageba dwai sę yainu ebo bage dabeba me, pedalumainu homu ebo dao,” wali.

1 Samuel 25:26

Odao. Genuai Bidigo digi nage paliama, tama nago te boi bidi dabeba te dwai kolesaga isiąyu, tama augwali me ela mubeo. Tama te Sesemane Sogo Bidibo Genuai Bidigo nogide eno po bomo elama weyu, te tiwai po obao, te nago boi bidi dabeba te Godigo dene ilimainu yaibao, te Nabalba yabo sę tiwai gilama yaibao.

Jopgo Po Asęani Elalubo Buku 27:8

Te bidi dabe augwali Godigo po wali pabo menio. Godigo augwaligo bidibo ula silibo sogo augwali dwagi yai nai me saibawe? Meni.

Jopgo Po Asęani Elalubo Buku 31:35

“Hobede ya, bidi me deli bidibaso, eno po waboba olo sagana munama, odigi sogo da, te usu igi dao. Eno e tama po wali, ‘Eno magi sę me elama, te po dąį ilama, te po bomo elama obao. Tama megi da, God Tigidali Bomo Elalubo Bidigo eno tigidali po wei ponomai yaiba. Te aga eno te po tų ebo odabo bidi da weyu, agai eno yali dwai sę kisilibo po pepade asęmainao.