Jopgo Po Asęani Elalubo Buku 27:21 - Godigo dwagi yai po buku

²¹ Te bomai wali te giliga asobo badu aselama, augwali sese sela sąbo tiwai dao.

Jopgo Po Asęani Elalubo Buku 27:21 Referans Kwoze

Godigo Nogi Ugwaba Sabo Tęąbi Po Wabo Buku Dabe 11:6

Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.

Godigo Nogi Ugwaba Sabo Tęąbi Po Wabo Buku Dabe 83:15

Te tiwai naga gilama, nago te genuai tulubage tagala palama, tama te hani bage te pobeasa pobaso, te augwali wi paibao. Tama nago te bomai wali mu augwaliba tagala palubaso, te augwali wi yaibao.

Godigo Nogi Ugwaba Sabo Tęąbi Po Wabo Buku Dabe 58:9

Te polo mu tama, Godigo augwali dolaibao, te bidigo dwasianu ni gelibo tiwai gilama yaibao. Augwali te bidibo ula elalubadi, tama Godigo augwalide haliga sębę mu elama, tama agai augwali te pobele bage sąbo tiwai gilama ebo dao.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Jopgo Po Asęani Elalubo Buku 7:10

Aga aga beba ma asogobe. Tama aga hanigo aga homu kone me egobeo, tama mu gegeda paibao,” wali.

Matyu 7:27

Tama tulubage tuluyu, te wę bomo yai asiyu, tama bomai wali pedaliyu, tama te nai dabego te be degelama, tama te be degelai dao. Te be dolama mu degai dao,” Jisasgo te po wai.

Hosea 13:15

“Te Efraim dabe hauwa mu pedelama, tama te gasa Israel hani aiyaba elaluali, tiali goli eno te posolo yai bomai wali mu te giliga asobo badu tagala palama, tama te waligo augwaligo te ulu wę sula somainu ilaibao. Tama te waligo augwa dwagi yai doado bage sela pela silimainu yaibao,” wali.

Jeremaia 18:17

Tama te boi bidi dabego eno we bidi dabeba hwįągasobo sogo da, teda eno augwali te boi bidi dabede wi pomainogo ilaibao, te wali giliga asobo badu asiyu, te nai dabe sesela sąbo tiwai yaibao. Te augwali eno tudiba munama, tama te augwali dolainogo ebo sogo eno tau me sogobe dao,” te po wali.

Jopgo Po Asęani Elalubo Buku 18:18

Te bage augwali bididuali sogo da, augwaligo giliga ula suai dao. Tiali goli, isibo augwaliba asaligo augwali hulia sai madi mu pali.

Jopgo Po Asęani Elalubo Buku 20:8

Te tobage bidi aga te hulide ebo nade hagabo tiwai deli sogo hagawaibao. Awe, bidi dabego aga mu ma sugobeo.

Jopgo Po Asęani Elalubo Buku 30:22

Nago ena te ni yabe tiwai gilama ugwaba sela sąnama, waligo tolasa pomainu sula tagalobo tiwai ebao. Tama nago ena waligo subigila sąsąbo tiwai tama ebo dao.