Jopgo Po Asęani Elalubo Buku 24:8 - Godigo dwagi yai po buku

⁸ Augwali bulu du yai madi bidibadi yaide, tulubage tuluyu, augwali tula pabo dao. Augwa be meniama, tama masigi dologoba geme duala sigi pabo dao, te tulubage tuidali weyu” wali.

Jopgo Po Asęani Elalubo Buku 24:8 Referans Kwoze

Te We Bidi Dabego Jerusalem Hagede Gela Wali 4:5

Megi da, te moni bidi dabe me te nai sǫą palio. Polobadu da, augwali nai wiegi wiegi yai nai dabe hauwa elaluai dao. Tiali goli, megi augwali nasi elama, augwali subigila te taun sunumi dabede isila peyu yalio. Polobadu augwaligo nai dabe hauwa mu elaluyu, tama augwaligo wiegi wiegi yai au ebo nai dabe gudiyu yai dao. Tiali goli, augwali megi da, nai mu menia pelama, tama megi da, augwali te dwai pobele bage sabo pesagede nai te gegebao.

Hibru 11:38

Tama tibaso, augwali tedela pelama, tama geme te bidi meni yai buluba me, te bulu duba me, te masigi ola beba me, te tǫ dedage tomoba me geme bidigi peyu yai. Augwali te wiegi yai we bidi mu, tama e tǫde we bidigo te bidi dabego konealubo po dąų wabo te dali usu nisiąyu, tama augwali tomode me bidigi homu elama augwali dali boi bidi mu yalio.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Jopgo Po Asęani Elalubo Buku 24:7

Te hulide augwali olo pilama, tama augwaligo tigi kedau ebo dao. Augwa tigiwali haluama piabo ugwa menio.

Jopgo Po Asęani Elalubo Buku 24:9

“Te dwai bidi dabe augwali te wilawe we dabeba pabo dao, tama augwaligo wai bǫų dabe bomonama eyu sabo dao. Tama augwaligo te wai bǫų dabe augwaligo olo sę ebo bidi gagalobo dao. Tama dwai bidi dabe augwaligo te nai meni yai we bidi dabego wai dabe oda selama, tama tola selama, te we bidi dabego augwa negeli yali wei ponomainu.