Jopgo Po Asęani Elalubo Buku 24:4 - Godigo dwagi yai po buku

⁴ Tama te dwai bidi dabego te moni nai dabe meni yai bidi dabe wi ilibo dao. Tama augwaligo augwa homugo magi sę me egobeo. Augwali wi elama, te dwai bidi dabe digibulu bidibo dao.

Jopgo Po Asęani Elalubo Buku 24:4 Referans Kwoze

Bugagia Bidibo Kolesagade Po Asęai Buku 28:28

Te dwai kolesaga ebo bidi dabe te bulu kantri tǫ pedai tonaluabo tobolu bidi te pedalubo sogo, te we bidi dabe augwalide geme duala saibao. Tiali goli, te bidi dabe isai madigi da, te doloba pai bidi dabego hani te genuai bidi pedelaibao.

Amos 2:7

Augwa te bomo kimi meni yai bidi, te augwa digi augwa tau sabo usu meni yai bidi dabe, te augwali aiyaba elaluama, tama augwa te magi nai meni yai bidi dabe ela gudulubo dao. Bidigo me, aga ayago me, te olo sę ebo we deliba naga penani igi pabo dao, te tama tiali kolesagade augwaligo eno genuai nogide hale mu ilibo dao.

Jopgo Po Asęani Elalubo Buku 24:14

Te kigamu hulide mu te giliga pedalisiąbadi, te dwai bidi dabe hogodama, te nai meni yai bidi dabe ela muainu pabo dao. Tama hulide da, augwali nai dabe wi sainu bilibo dao.

Esekiel 22:29

Te bidi dabego augwa abagi dabe wi ilama, te augwaligo mone doado bage bisigi elama sabo dao. Te augwaligo nai dabe me wi siyu ebo dao. Augwaligo te magi nai meni yai bidi dabe, me gasa tǫ kantri bidi dabe te Israelba bidagasali bidi me, augwali dolobo sę dwai mu ebo dao,” wali.

Esekiel 18:18

Aga ayago te gasa we bidi dabeba dwai sę eyu, te anoma bomonama eyu, te augwaligo nai siyu, te tobage dwai kolesaga dabe yali. Tialima, aya aga yali sę dagede te aga isimainao,” wali.

Esekiel 18:12

Agai te magi nai doado bage meni yai bidi dabeba dwai dwai sę eyu, te agai nai wi siyu, tama te gasa bidi dabego agabolo mani nai dabe dąų olama tolalu, te augwaligo mani negeli ponabo dąįba usu nubo tiwai yali. Tama agai te tibo god dabeba lotu weyu, tama te lotu wabo pesagede te tobage dwai kolesaga dabe mu eyu ebo dao.

Bugagia Bidibo Kolesagade Po Asęai Buku 30:14

Te meba bidigo te magi nai meni yai bidi dabeba te dwai sę mu ilaibao. Te hwą bainat me ge hwą me te augwa pedauwalide pągąnalubo tiwai eyu, tama augwaligo te magi nai meni yai bidi dabe tulama, tama tigidali silabo homu ebo dao.”

Bugagia Bidibo Kolesagade Po Asęai Buku 28:12

Te doloba pai bidi dabe te bulu tǫ pedai tonalubo bidi pedalubo sogo, te tigidali bulu tǫde bidibo bidi hani te bugai haliga elama, wiegi yai pemene mu yaibao. Tiali digi, te dwai bidi te tonalubo bidi pedalubaso da, teda te we bidi dabe augwalide geme wi duala sabo dao.

Bugagia Bidibo Kolesagade Po Asęai Buku 22:16

Te bidigo te magi nai doado bage meni yai bidi dabego nai dabe sainogo te augwaliba dwai sę ebaso da, ma te bidigo te mone hauwa elalubo bidiba te wiegi yai homu ilibo nai mobaso da, teda te aga digi te magi nai doado bage meni yai bidi tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 109:16

Te bidigo te gasa bidiba olo tau sabo wiegi yai kolesaga yabo homu isiąwani. Agai te magi doado bage meni yai bidi dabe, me te doado bage sǫą pai bidi dabe, me te bomo meni yai bidi dabeba boi bidi eyu, tama te bidi dabe haliga sęgę ilama, tama agai augwali ela muyu yai dao.

Godigo Nogi Ugwaba Sabo Tęąbi Po Wabo Buku Dabe 41:1

Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.

Jopgo Po Asęani Elalubo Buku 31:16

“Tigidali sogo eno nai meni yai bidi dabe tau siyu yai dao, te augwali meni yani nai dabe mawai dao. Tama eno wilawe we dabe subo si, eno augwali sula tagalobeo. Menio. Eno augwali me tau sai dao.

Jopgo Po Asęani Elalubo Buku 30:25

“Polobadu da, eno bidi dwai dene sobaso, moni hobede mu yai dao. Tama eno homu sęgę genuai mu te nai meni yai bidi dabede yai dao.

Jopgo Po Asęani Elalubo Buku 29:12

Magi baso meni. Te nai meni yai bidi dabe tau somainu i obaso, eno augwali tau siyu ebaso tiai dao. Tama eno tiana wai puluba sulama, tama augwali tau sabo bidi meni baso da, ena digi eno augwali tau sai dao.

Jopgo Po Asęani Elalubo Buku 29:16

Tama ena te nai meni yai bidi dabego aya tiwai bidama, tama eno augwali tau sai dao. Tama eno te gasa buludu asai bidi dabego po tau sai dao, te gasa bidi dabego po tų elama, augwali aiyaba elaluainu ebaso tau sai dao.

Jopgo Po Asęani Elalubo Buku 31:19

Ma, bidi me ugwa meniama, tama kedaugo mu dolobo si da, teda eno te bidi olo bidimainu sula tagalai yali bogo? Meni.

Bugagia Bidibo Kolesagade Po Asęai Buku 14:31

Godigo tigidali bidi nigali, tama tiyu, te bidi me deligo te magi doado bage meni yai bidi dabe aiyaba elalubaso da, agai te God aiyaba elalu dolobao. Tiali goli, te magi doado bage meni yai bidi dabe bugagia wiegi yai ilibo kolesaga ebo bidi da, agai te Godiba genuai nogi mabo dao.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.