Jopgo Po Asęani Elalubo Buku 24:2 - Godigo dwagi yai po buku

² Te dwai kolesaga ebo bidi dabe augwaligo gasa bidi dabego tǫ wi sainu yali. Tama tiyu yaide, augwali tǫ dąį ibanu pogolobo dao. Tama te bidi dabego homugo tiaibao, te augwa tǫ da homu yaibao. Tama augwaligo mena sipsip kibu wi selama, augwa sipsip dali gea paligi pali.

Jopgo Po Asęani Elalubo Buku 24:2 Referans Kwoze

Bomai Po 19:14

Tama Mosesgo po geninama weyu, te po wali, “Dagego duga abagigo tǫ dąį ugwanu ma pogolama, aga tǫ meba sigio. Magi baso meni. Augwaligo polobadu polo dąį ilai dao, te Genuai Bidigo megi dagebolo mawainogo ebo te tǫde,” te po wai.

Bugagia Bidibo Kolesagade Po Asęai Buku 23:10

Polobadu mu augwaligo te tǫ dąį muani, tama nago te dąį ilali ma kidiligio. Tama nago te tiana wai dabego tǫ me sigio.

Bomai Po 27:17

“‘Tialima te bidi mego aga abagigo tǫ dąį poagasai baso da, teda Godigo te bidi dolaibao.’ Tama tigidali we bidigo te po waibao, ‘Te mu tama dao. Godigo te tama timainao.’”

Bugagia Bidibo Kolesagade Po Asęai Buku 22:28

Nago te naga wąį nǫų dabego te nago tǫ polobadu dąį ilali te ma kidiligio. (5)

Hosea 5:10

Genuai Bidigo te po wai, “Odiąo. Te Juda polalubo bidi dabego te Israel dabego tǫ me badu wi sai. Tama eno wado po dwai mu augwaliba wali. Tama eno augwali dolainu ebo te wę asiyu, te nai dabe dolobo tiwai yaibao,” wali.

Jopgo Po Asęani Elalubo Buku 5:5

Te we bidi nai menia siyu ebode, ma dogoni aloa siyu ebaso da, teda augwali te dwai bidi dabego giba dabe nai sagasiyu yaibao. Tagalogobeo, te dwai sesani bono tomode elalubo nai me, augwaligo te nai me siyu naga yaiba. Tama augwaligo moni doado bage sabo sunumi gegaibao, te bidi hanigo.

Jopgo Po Asęani Elalubo Buku 1:17

Te bidigo po odubadi yaide, gasa sę bidi me sabolagaselama, te po wali, “Te Kaldia bidi hani sela aselama, te kibu kamel dabe wi sela peyu yaide, te sę bidi dabe ela muna silalio. Ena deli aselama, nagebolo e wagasobao,” wali.

Jopgo Po Asęani Elalubo Buku 1:15

Tama, polo tama te Sabea bage aselama, te donki kibu dabe dali, bulmakau kibu dabe dali si wi sela pali. Tama augwaligo nago sę bidi dabe sese ela muna silali. Ena enaduba deli tama wi aselama, nagebolo e wagasobao,” te po wali.

Jopgo Po Asęani Elalubo Buku 20:19

Agai te tama tiaibao. Magi baso meni. Augwaligo nai meni yai bidi dabe hobede isąma yali pode. Meni. Augwaligo augwalide dwai sę yali. Tama haniani tibo sę elama, tibo po olama, gasa bidigo be dabe sali.

Jopgo Po Asęani Elalubo Buku 31:38

“Ma, eno gasa bidi dali dwai kolesaga elama, tama agai tǫ wi selama, tama te tǫ eno abelesiąbadi nai wai bulama, tama te tǫ aga digi gela genuai mu olama, wado genuai mu eyu da,