Jopgo Po Asęani Elalubo Buku 24:13 - Godigo dwagi yai po buku

¹³ “Bidi mebago Godigo ebo kolesaga godolo ebo meni. Augwali tobolu gagea pelama, tama te dwagi yai kolesaga dali boi bidi homu ebo dao, te dwagi yai ula kolesaga. Augwaligo hulia sai kolesaga naga wali pabo dao. Tama augwali ula yai sunumidu pabo homu ebo menio.

Jopgo Po Asęani Elalubo Buku 24:13 Referans Kwoze

Jutgo Asęani Pas 1:6

Tama te ensel mobo bidi meba me, augwalide ma kone palao. Te ensel mobo bidi meba augwaligo te Godigo augwaligo nogoba mani tonalubo bidi sę hagela eyu, tama te sę tagalali. Tama agai augwalibolo mani bidabo madi, te me augwali hagelama, tagalalio. Tama Godigo augwali dila pai aligabo bonogo nogo dunama, kalabus ilama, bida bida peyu bidibo, tama augwali te a bulu hulia sai digi tede mu dąų olama bidibao. Tama augwali te a hulia sai digide bidiyu, tama augwali Godigo genuai bodolu sali te tonaluyu bidibadi, tama te moni po tų ebo sogo pedalaibao.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

Jems 4:17

Tama tibaso, bugagia kone palao. Dwagi yai kolesaga ebo koneai bidi, tama te bidi agai te dwagi yai sę esiąyu da, te bidi agai dwai sę yali dao.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Dwagi Yai Gesi Po Jongo Asęani 15:6

Bidi me deli ena dali wadoloyu bidisiąyu da, te aga da te sasia pai ni nologo tiwai dao. Te augwaligo te tobage ni nologo sela sąbo dao. Tama sela sąnama, augwaligo te sasia pai nologo sisinama, tama augwaligo siaba sąnama, dabo dao.

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

Dwagi Yai Gesi Po Jongo Asęani 12:35

Tama Jisasgo augwalibolo te po wai, “Dwasianu sogo me te ula dage dali bidaibao. Te hulia sabo dageba asidali weyu, megi dagego te ula elalubo si, te ulade dage bidao. Te hulide pabo bidi aga mena pabowe te agai konegobeo.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Dwagi Yai Gesi Po Jongo Asęani 8:31

Tama tibaso, Jisas agai te agabolo homu tamadi muai we bidi tebolo te po wai, “Dagego eno ola mabo po wali peyu da, teda dage ena wali pabo we bidi mu dao.

Jopgo Po Asęani Elalubo Buku 5:14

Augwaligo homu kolesaga mu kone tųą pabo dao, tama augwaligo magi sę me yabo homu ebo menio. Te giliga nanani da homu egobeo. Augwali te homu kolesaga mu menia pela, huli dulude bidibo tiwai elama, augwa pabo sunumi subo menio.

Jopgo Po Asęani Elalubo Buku 24:12

Te moni hanu tomode te we bidi gela mu wabo. Augwali mu dobaso, Godigo augwali tau somainu gela olama, i wabo dao. Tiali goli, Godigo augwaligo gedu haluasa po wabo odobo menio,” wali.

Jopgo Po Asęani Elalubo Buku 24:14

Te kigamu hulide mu te giliga pedalisiąbadi, te dwai bidi dabe hogodama, te nai meni yai bidi dabe ela muainu pabo dao. Tama hulide da, augwali nai dabe wi sainu bilibo dao.

Te Israel me Juda Hani Sigo Tuni Bidigo Po Elalubo Buku Deli 3:20

Ena pilamubadi, tama te huli tomode te aga hodaluama, tama eno wai sagaselama, tama aga pibo betba selasa pai yalio. Tama agai te isali wai sela aselama, tama ena pąba pilagasai yalio.

Jopgo Po Asęani Elalubo Buku 24:16

Te hulide da, te nai wi sabo bidi dabe pelama, bidigo be paiai daga hųginama, tama tomoba nai wi sainu pabo dao. Tiali goli, giligade da, augwa be tomode dualalubo dao. Magi baso meni. Giligade da, augwaligo sogo meni.

Jopgo Po Asęani Elalubo Buku 38:13

Hulia sabo da, teda ugwago bidi mesega sabo tiwai elama, tǫ mesegalubadi, te dwai bidi dabe te hulide biliyu yaide dwai kolesaga ebo dao. Ma, me sogo nago olo po obadi, te be posolama, te dwai kolesaga ebo bidi dabe noma somainu me yai dawe?

Jopgo Po Asęani Elalubo Buku 38:15

Hulibo sę dabe da, te dwai bidi dabego be te posobao. Tama augwali dwagi yai homu mu elama, biliyu yaide, haniani dwai sę ela bilibo dao. Tiali goli, ulago augwaligo bomo aiyaba elaluama, tama augwaligo dwai sę tagalomainu ebo dao,” wali.