Jopgo Po Asęani Elalubo Buku 24:12 - Godigo dwagi yai po buku

¹² Te moni hanu tomode te we bidi gela mu wabo. Augwali mu dobaso, Godigo augwali tau somainu gela olama, i wabo dao. Tiali goli, Godigo augwaligo gedu haluasa po wabo odobo menio,” wali.

Jopgo Po Asęani Elalubo Buku 24:12 Referans Kwoze

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

Malakai 3:15

‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Aisaia 52:5

Te Babilon dabego me te tobage deli kolesaga nosali yalio. Augwaligo te eno we bidi olo mu selama, te augwali kalabusiba sela pali, te eno hanigo tobolu bidi dwai gela mu wali. Te eno magi nai deli me sabeo. Menio. Sesemane sogo te bidi dabego te posobo po weyu, ena nogi aiyaba elalubo sę yai dao.

Godigo Nogi Ugwaba Sabo Tęąbi Po Wabo Buku Dabe 109:22

Ena dwai bidi mu bidiyu, tama ena odolali bidibao, tama ena dwai dene mu ebao.

Godigo Nogi Ugwaba Sabo Tęąbi Po Wabo Buku Dabe 69:26

Te bidi mebabolo nago hasiabolo te augwa yali dwai sę wei ponani bidi dabe, te dwai sę ebo bidi dabego augwaliba dwai dene mabo sę idubao. Nago te bidi meba tigiwali togolama, te augwaliba dene mani bidi dabe, tama te dwai sę ebo bidi dabego posobo po weyu, tama augwaliba sęgę mayu ebo dao.

Godigo Nogi Ugwaba Sabo Tęąbi Po Wabo Buku Dabe 50:21

Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

Jopgo Po Asęani Elalubo Buku 9:23

Tama ma dwai sogo pedalobo si da, da doloba pai we bidi dolobo. Godigo dwagi yai homu ebo dao, te sęgę subode.

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.

Ma Dobola Sali 22:27

Magi basowe, agai te ugwa deli naga elaluali, te aga hulide kedau idali weyu, tigi bea sabo ugwa dao. Te ugwa nago tolalubaso da, te aga tigi magi naigo halua selama pigowe? Te eno aga tau somainogo, agai gedu haluasa po enabolo obaso da, te eno agai gedu haluasa po wabo odaibao, magi basowe, eno tigidali we bidi olo tau sabo homu kolesaga mabo dao.”

Jopgo Po Asęani Elalubo Buku 9:24

Godigo dwai dwai kolesaga ebo bidigo e tǫ tonalumainu sula tagalai dao. Tama agai te po tų odobo bidigo kolesaga begelama, tama te po tų bugagia odobo meni. Ma, Godigo te sę dabe igi menigi sogo da, teda dego mu igi dawe?” Jopgo te po wali.

Jopgo Po Asęani Elalubo Buku 24:11

Augwali te ni oliv sili tomode sę ela bilama, tama te oliv du te masinigo pęgębo dao, te olivgo wel nigimainu. Tiali goli, augwaligo te oliv wel tubo usubeo. Tama mebago te wain du sągągo gosę genama, tama wain wę sabo sę yai dao. Tiali goli, te sę ebo bage augwa mu te wain wę tugobeo. Tama augwali dogoni aloa sabo dao. Magi baso meni, te page bidigo habu selai dao.

Jopgo Po Asęani Elalubo Buku 24:13

“Bidi mebago Godigo ebo kolesaga godolo ebo meni. Augwali tobolu gagea pelama, tama te dwagi yai kolesaga dali boi bidi homu ebo dao, te dwagi yai ula kolesaga. Augwaligo hulia sai kolesaga naga wali pabo dao. Tama augwali ula yai sunumidu pabo homu ebo menio.

Tigidali Nai Gagalama Nigali Side 4:10

Tialima, Yawego Keinbolo te po wai, “Nago magi baso te dwai dwai sę yaliwe? Te naga amago kaneme te tǫba gelali, tama te kaneme te bidi me deli dogoni tiwai elama, tama i wabo eno odali, ‘Boi eyu, Kein ela muao,’ te tiwai po obao.

Godigo Nogi Ugwaba Sabo Tęąbi Po Wabo Buku Dabe 10:13

Te dwai sę ebo bidigo te God tudiba muani, tama aga homude te tama homu ebo dao, “Agai te eno dwai sę ebo wei ponogobe da,” wabo. Magi baso agai te tama po wabo dawe?

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Jeremaia 12:2

Nago augwali te tǫba munama, augwali te wiegi yai pedelali, te bidigo bulali ni tiwai elama, te ni sele tǫ tomoba pelama, te ni genuai holama, te nai walobo tiwai ebao. Sesemane sogo augwaligo nago nogi nogi eyu ebao, tialima, te augwa homu nagede digibulu elalubo dao.