Jopgo Po Asęani Elalubo Buku 23:7 - Godigo dwagi yai po buku

⁷ Ena doloba pai bidi. Tama ena agai gedude dolo po tųde doliyu da, eno aga dali po migi dao. Tama agai eno po odoyu da, teda agai e tama waibao, eno dwai sę me agai gedude me ebeo po wagi dao. Tama eno po tų da, mu siligi da,” wali.

Jopgo Po Asęani Elalubo Buku 23:7 Referans Kwoze

Polgo Po Pas Rom Dabeba Asęani 8:1

Te da Kraisde tialubaso, God agai da aga gedude te doloba pai we bidi dao te po wabo dao. Tama tibaso, Godigo da Krais Jisas dali wadolali we bidi dali po tų eyu tama sęgę dabolo magobeo.

Jopgo Po Asęani Elalubo Buku 13:3

Tama tiyu yaide, ena dage dali po wabo hagela mu yali. Eno homugo God Tigidali Bomo Elalubo Bidi dali po wabo homu yali. Eno homugo dadi si pogo hwįbo tiwai eyu, eno sęgę dodolaiba.

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Jeremaia 3:5

‘Te nago enaba sesemane haliga sębę elaluduabo homu igio. Te nago wado ebo te silao homu ebao.’ Israel, nago tama tiwai po wali, tiali goli, nago te tobage dwai kolesaga dabe idu, te nago homude ebo kolesaga simanigi pabo dao,” wali.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Jopgo Po Asęani Elalubo Buku 9:15

Tagala eno magi sęgę meniama, magi po meniama, tama te po tų ebode ena dolo dali pai. God aga digi aga te po tų odobo bidi dao, tama agai ena po tų ebo dao. Tiali goli, eno agabolo ena hobede ya po hanalu waibao.

Jopgo Po Asęani Elalubo Buku 13:16

Ma, eno God dali po wabo wi isąma eyu da, eno homugo tibo ena dwai sę isąwai bidi dao homu agai yaibao. Tama agai ena hobede elama, tama ena bugagia bidimainu sula tagalaibao. Magi baso meni. Dwai sę ebo bidi dabego da, God dali po wabo wi yaibao.

Jopgo Po Asęani Elalubo Buku 23:10

Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.