Jopgo Po Asęani Elalubo Buku 23:16 - Godigo dwagi yai po buku

¹⁶ God Tigidali Bomo Elalubo Bidigo eno bomo silama, tama ena wi mu ilalio.

Jopgo Po Asęani Elalubo Buku 23:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:14

Eno bomo tigidali silalio, augwa te tǫba wę gelama, te soa sabo tiwai gilama yai. Te dili ununani tigidali te guda pai. Eno homu te mu nagamea pali, te posolo yai ili wę pedalubo tiwai yali.

Jopgo Po Asęani Elalubo Buku 27:2

“God Tigidali Bomo Elalubo Bidigo enade dolo yai sę isąma yai digi, megi da, ena dolama mu bidibao. Agai odisąma, eno po tų bugagia sulama dodolobeo. Tama tibaso, ena haliga tigi sębę agai te kolesaga ebode ebao.

Bomai Po 20:3

‘Dage Israel bidi dabe, dagego odao. Megi da, dage boi hwįgi painogo te ebao. Tiali goli, dagego te boi bidi dabede wi me elamuo. Tama dagego nogo nagame me elamuo. Tama dage augwalide noma me selamuo, wi pelamuo.

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Godigo Nogi Ugwaba Sabo Tęąbi Po Wabo Buku Dabe 88:16

Genuai Bidi, nago haliga sębęgo ena mesegelali. Nago ena dodolagia mu elama, tama ena mu dolai dao.

Rutgo Po Elalubo Buku 1:20

Naomigo po wei ponoyu, te po wai, “Dagego ena nogi te Naomi te tiwai te dwagi yai homu pemene ebo we nogi igio. Menio! God te Tigidali Bomo Elalubo Bidigo enabolo dwai homu dene ilalio. Tama dagego ena nogi te Mara wao, te tiwai te homu sęgę ebo we dao.

Jeremaia 51:46

Dagego haliga dwagila midigi selama, dage te tǫde haniani po dabe sabilibo odama, te dage wi me igio. Te kibu be me delide gasa po pedalu, te gasa kibu bede gasa po pedalu yaibao. Te genuai boi hwįbao weyu, te king mego te gasa kingba hwįbao te po augwaligo waibao.

Jopgo Po Asęani Elalubo Buku 23:15

Tama tiyu yaide, ena aga gesabidide mu bidibao, tama ena agade wi mu ebao. Eno agai ebo kolesaga kone palama, eno dili didibili mu ebo.

Jopgo Po Asęani Elalubo Buku 16:12

Polobadu da, ena bugagia bidai dao. Tiali goli, God aselama, tama eno dogoni tola selama, dodolama, mu elali. Tama ena mu dwali. Agai ena te enego enebo nai me deli ilama,