Jopgo Po Asęani Elalubo Buku 23:12 - Godigo dwagi yai po buku

¹² Tama eno agai te tiwai ya wali po me sela sąbeo. Menio. Eno agai enabolo mani po wali peyu yai dao. Agai po pusu mu elama, tigidali deli deli sogo tuabo naigo pusu edelalio,” wali.

Jopgo Po Asęani Elalubo Buku 23:12 Referans Kwoze

Jeremaia 15:16

Nago po enabolo mobaso, te eno sali, te bidigo nai sabo tiwai yali. Tama nago te pogo ena pemene eyu, wiegi yai haliga mu yai, magi baso meni, ena nagaba elalubao, God Genuai Bidi Tigidali Bomo Elalubo Dao.

Godigo Nogi Ugwaba Sabo Tęąbi Po Wabo Buku Dabe 119:103

Te bunu ge nai hani eno pedauwalide tubo pusu yaibao, tiali goli, nago po pusu ebo te umagi mu yaibao.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 119:11

Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.

Jopgo Po Asęani Elalubo Buku 22:22

Nago agai nage mawainu ebo kolesaga po nago tigidali sao. Tama agai po nago homude bugagia mu muao.

Dwagi Yai Gesi Po Jongo Asęani 8:31

Tama tibaso, Jisas agai te agabolo homu tamadi muai we bidi tebolo te po wai, “Dagego eno ola mabo po wali peyu da, teda dage ena wali pabo we bidi mu dao.

Dwagi Yai Gesi Po Jongo Asęani 4:32

Tialima, Jisasgo augwali aga wali pabo bidibolo te po wai, “Eno nai meba elalubo te dagego konebeo.”

Godigo Nogi Ugwaba Sabo Tęąbi Po Wabo Buku Dabe 119:127

Eno nago bomo yai po godolo mu ebao. Eno te polalubo nai te mone gol eno godolo homu elalubeo, tialima te eno nago po godolo homu ebo dao.

Jopgo Po Asęani Elalubo Buku 6:10

Ma, te ena genuai sęgę tolobo da hagela ebo, teda ena dwagi yai homu elama, sasamano bilaiba. Magi baso meni, eno koneani, tigidali sogo mu ena God dologode bidali, aga te dwagi yai kolesaga eyu, doloba pai kolesaga naga ebo God dao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

1 Pita 2:2

Te tobage dwai sę egimio. Te menio. Te tamadi ame nani wai bǫų aga bomo eyu, te ame pę naga tuabo homu ebo dao. Tama dagego homu te wai bǫųgo homu ebo tiwai gilama, dagego Godigo po naga sao, te gasa po dali talusiąwai po dao. Te po naga sao. Tama tiyu, dage bugagia holoyu bidao, te God agai dage ma dobola sabo sę silabo sogo tonaluao.

Dwagi Yai Gesi Po Lukgo Asęani 12:46

me sogo te sę ebo bidi agai gegeda pelama, te agai konesąbo sogo me, te genuai bidi asama, te genuai bidigo te sę ebo bidi hwągo todogolama, denelege milama, muaibao. Tama agai te bidi te po odisąbo bidigo pesageba muaiba.”

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

Jopgo Po Asęani Elalubo Buku 15:11

“Jop, Godigo homugo nago dene osola sulama, tama nage homu nagame elama, dua bidimainu yaibao. Tama me ma, dago po doanu olama, tama nagebolo dwagi yai po wai dao. Tiali goli, nago homugo Godigo te yainu ebo sę te olo da, te homu ebawe?

Jopgo Po Asęani Elalubo Buku 23:13

“Tiali goli, Godigo homugo magi sę me yainu yali da, tama dego agai homu ma hasegelaibawe? Agai me hasegelegobeo. Tama agai magi sę me yainogo da, teda agai eyu naga ebo dao.

Godigo Nogi Ugwaba Sabo Tęąbi Po Wabo Buku Dabe 33:11

Tiali goli, Genuai Bidigo te sę yao po wali da, teda agai po te sesemane bomo elaluaibao. Agai te mena sę me deli yabo homu eyu da, tama te homu yali te sesemane elalua peyu, elalua pabo dao.

Bugagia Bidibo Kolesagade Po Asęai Buku 30:8

nago ena tau somainu eyu, tama eno te tobage tibo po wabo kolesaga dabe te tudiba munama, tama nago ena te mone hauwa elalubo bidi pedalumainu eyu, ma te magi nai meni ebo bidi tiwai pedalumainu eyu me egio. Menio. Nago te ena usu nama nai tama mobaso, te usu dao.

Jopgo Po Asęani Elalubo Buku 33:9

nago dwai kolesaga me yai menio, po wali. Tama tibaso, nage Godigo gedude meda meni yai bidiba. Tama nago magi nai mede sę menio, po wali.