Jopgo Po Asęani Elalubo Buku 23:11 - Godigo dwagi yai po buku

¹¹ Tigidali sogo ena aga bilibo sunumidu naga bilibo dao. Eno te sunumi tagalama, gasa sunumidu me pabeo.

Jopgo Po Asęani Elalubo Buku 23:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 44:18

Dago nage tudiba me musiąyu, tama dago nago sunumi wali asobo me tagalubeo.

Polgo Po Pas Rom Dabeba Asęani 2:7

Tama mebago da, te dwagi yai kolesagade bomo elama bidiyu, tama tebo kolesagago augwaligo te genuai nogi me te wiegi yai nogi me te me dolisąbo bidada pabo ula te tų gegebo sę ebo dao. Tama Godigo te tama kolesaga ebo bidi dabe augwalibolo te bugagia bidada peyu, bidada pabo bidibo ula mawaibao.

Godigo Nogi Ugwaba Sabo Tęąbi Po Wabo Buku Dabe 125:5

Tiali goli, nago te augwa digi augwa dwai kolesaga wali pabo we bidiba te dwai dene mabo sogo da, teda nago kolesaga tagalubo we bidi tigidaliba nago te dene mao.

Godigo Nogi Ugwaba Sabo Tęąbi Po Wabo Buku Dabe 17:5

Eno sesemane sogo nago kolesaga wali peyu, tama eno sągą dwasianu me geda mubeo.

Jopgo Po Asęani Elalubo Buku 17:9

Tiali goli, tagala. Te doloba pai bidi dabego augwa dwagi yai kolesaga tagalogobeo. Menio. Augwa doloba pai kolesaga naga yainu bomo mu yaibao,” wali.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Godigo Nogi Ugwaba Sabo Tęąbi Po Wabo Buku Dabe 36:3

Sesemane sogo agai te dwai sę yabo po, me te gasa bidi tibo po ola mabo po weyu yaibao. Agai te wiegi yai kolesaga yabo homu te agade me elalubo menio.

1 Tesalonaika 2:10

Tama da dage Jisas wali pabo we bidi tomode bidali sogo, dago te gasagi yai mu kolesaga yali. God agai gedude dago yali kolesaga te dwagi yai mu yali. Tama we bidigo gedude dago yali kolesaga te doloba pai mu yali, tama te sę ebadi, magi dwai sę me yai menio. Tama te yali kolesaga dagego sulama, koneai dao. Tama God me agai te dago yali kolesaga sulama, koneai dao.

Jopgo Po Asęani Elalubo Buku 6:10

Ma, te ena genuai sęgę tolobo da hagela ebo, teda ena dwagi yai homu elama, sasamano bilaiba. Magi baso meni, eno koneani, tigidali sogo mu ena God dologode bidali, aga te dwagi yai kolesaga eyu, doloba pai kolesaga naga ebo God dao.

Jopgo Po Asęani Elalubo Buku 31:7

Tiali goli, ma eno gedu olo tagala palama, ena gedugo dwai kolesaga emainu sula tagalama igi sogo da, teda eno dwai kolesaga elama, agai gedude meda mu igi sogo da,

Godigo Nogi Ugwaba Sabo Tęąbi Po Wabo Buku Dabe 119:51

Dwai kolesaga ebo bidi augwaligo dwai po ena dali dwai posobo po wai, tama augwaligo ena dali te po obadi, eno nago dwagi yai po tudiba mubo menio.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Godigo Nogi Ugwaba Sabo Tęąbi Po Wabo Buku Dabe 44:19

Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

Bugagia Bidibo Kolesagade Po Asęai Buku 4:5

“Nago homu wiegi yai elama, te nago wiegi yai kolesaga koneama sao. Nago eno po te munu me sela sąyu, ma homugo gegeda pelama, tagalu me elamuo.