Jopgo Po Asęani Elalubo Buku 23:10 - Godigo dwagi yai po buku

¹⁰ Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.

Jopgo Po Asęani Elalubo Buku 23:10 Referans Kwoze

Jems 1:12

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.

1 Pita 1:7

Tama te haniani dene mabo sę augwaligo page elalubao. Dage duga homu tigidali Godiba muani sę, te sę usu somainogo te dene mabo sę dageba pedalobo dao. Eno megi te wiegi yai kapa nogi gol te naide po digi po begelama obao. Augwaligo te kapa gol te tǫde diganama, tama te dwai nai sela sąwainogo augwaligo te gol siade ulubo dao. Siago uludama, tama nosali te wiegi yai kapa gol naga pedalama, augwaligo saibao. Tama te gol te osogo wiegi yai nai dao, te tǫde elalubo nai dao, tama nosali te nai mu dolaibao. Tiali goli dagego duga homu tigidali Godiba mubo sę te wiegi yai mu dao, tebogo te kapa gol aiyaba elalubo dao. Tialigo da, dagego konealubo po dąų wabo kolesaga usu selama, tama usu baso, te Jisas Krais aga ma asobo hanilabo sogode te Godigo dagego nogi ugwaba mu siyu, dagebolo dwagi yai genuai nogi mawaibao.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Godigo Nogi Ugwaba Sabo Tęąbi Po Wabo Buku Dabe 66:10

God, nago da usu siyu, te bidi dabego te wiegi yai kapa silva te siago ulama, tama te hogomu kakali sela sąbo tiwai ebo dao.

Bugagia Bidibo Kolesagade Po Asęai Buku 17:3

Genuai Bidigo te tiwai sulama koneainu yai, da te wiegi yai bidi ma dwai bidi, tama agai te dago haliga usu sula soyu, te gol me silva te siade usu sela subo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 17:3

Nago eno homude koneai. Nago ena hulide me suagasai, tama nago ena usu sai, tama nago eno homu kolesaga dwai elalubo nago me subeo.

Hibru 11:17

Polobadu Godigo Abraham usu sai. Hasia bolo Godigo agabolo te po wai, “Te eno nagebolo te bulai wai dabe umabo mawaibao, te po wai dao. Tama megi eno e po obao, te nago ogwa Aisak, te agade te augwali nosali pedalaibao,” te po wai. Tama nosali Godigo Abrahamgo agade konealubo po dąų wabo kolesaga osola suainogo eyu, tama agabolo te po wai, “Nago naga ogwa Aisak digi selama, tama aga ela munama, enabolo te ofa tiwai mao,” te po wai. Abrahamgo koneani, te Aisak da, te aga nosali pedalabo hani we bidi page mu dao. Tiali goli agai te Godide konealubo po dąų weyu, tama agade mu tią pobaso, tama agai te ofa tiwai eyu tamadi tama aga Aisak elama Godibolo mawainogo yai.

Polgo Si Wali Pas Timotiba Asęani - 2TI 2:19

Tiali goli Godigo mu po te bidigo dolobo usu egobeo. Te bomai be tuni ni pos tiwai bulalio, tama te dolalubao, te be peme egobeo. Tama te tuni ni posde hagea siyu asęani po te tiwai elalubao, “Genuai Bidigo aga we bidi digi bugagia koneani.” Tama te po me asęani elalubo, “Te Genuai Bidi nogi nogi eyu ‘Ena aga bidi dao’ po wabo tigidali bidi, augwaligo te dolo isiąwai kolesaga tudiba muao,” te po asęani elalubao.

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

Bomai Po 8:2

Dagego bugagia mu kone paliąo, God dago Genuai Bidi aga polasa peyu, tama agai dage te bobobage sunumidu asali tau sai dao. Dage te nai meni yai kemi sane bulude dage te kibu be bidi sese si 40, te tama te bulude bilai dao. Tama Godigo haniani sęgę taga palai dao, te dage usu sela suyu, te dagego te tigidali bomai po wali pogowe ma meniwe elama suainogo tiai dao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

Tigidali Nai Gagalama Nigali Side 18:19

Eno aga sa muani, te agai aga wai pulubabolo me te aga wąį dabe augwalibolo olama, te augwaligo eno po wali pomainogo yaibao. Tama tiyu, augwaligo wiegi yai doloba pai kolesaga wali paibao. Tama tiyu, te eno agabolo te tigidali sę agabolo eno wali po gilama yaibao.’

1 Korin 3:15

Tiali goli te sę bidi me deligo be te tigidali siago dobaso da, teda te bidigo yali tigidali sę te hagawaibao. Tialima te sę bidi aga digi te bugagia bidaibao, tiali goli te bidi siago dabo be buluba wi paligo te sana pali bidi tiwai bidaibao.

Jopgo Po Asęani Elalubo Buku 6:29

Dagego te tobage po dali, kolesaga dali si tagama, tama doloba pai kolesaga elama, eno kolesaga osayama. Dagego ena aiyaba elalugi, eno magi dwai sę me ebe.

Jopgo Po Asęani Elalubo Buku 7:18

Magi baso nago dago kolesaga tigidali sogo kigamu osabo dawe? Tama magi baso nago da usu sabo hodo dolisąma ebo dawe?

Jopgo Po Asęani Elalubo Buku 23:7

Ena doloba pai bidi. Tama ena agai gedude dolo po tųde doliyu da, eno aga dali po migi dao. Tama agai eno po odoyu da, teda agai e tama waibao, eno dwai sę me agai gedude me ebeo po wagi dao. Tama eno po tų da, mu siligi da,” wali.

Jopgo Po Asęani Elalubo Buku 23:9

Godigo sę me not badu, me saut badu me ebo goli, eno aga dwasianu me subeo.

Jopgo Po Asęani Elalubo Buku 31:6

Ma, Godigo eno kolesaga dabe dolo dagala suyu da, teda agai bugagia mu koneaiba, eno magi sę me yai sugobeo.

Godigo Nogi Ugwaba Sabo Tęąbi Po Wabo Buku Dabe 7:9

God, nage te doloba pai mu da. Nago te tigidali bidigo haliga me homu te dagalubo dao. Tialima, nago te dwai sę ebo bidi dabego dwai kolesaga ebo te tigidali silao. Tama nago te wiegi yai bidi dabego ebo dwagi yai kolesaga wei ponao.

Godigo Nogi Ugwaba Sabo Tęąbi Po Wabo Buku Dabe 11:5

Genuai Bidigo dwagi yai bidi dali, dwai bidi dali osola subo dao. Agai bomo yai po sela sąbo te bidi agai hagela mu ebo dao. Te bagego gasa we bidi elebo kolesaga ebo dao.

2 Samuel 22:22

Eno te Genuai Bidigo bomai po bugagia wali pali. Eno te ena God tudiba munama, tama dwai kolesaga me ebeo.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Jopgo Po Asęani Elalubo Buku 31:4

Tiali goli, Godigo eno kolesaga tigidali mu koneai dao. Tama ena bilibo tigidali agai suai dao,” wali.

Jopgo Po Asęani Elalubo Buku 33:9

nago dwai kolesaga me yai menio, po wali. Tama tibaso, nage Godigo gedude meda meni yai bidiba. Tama nago magi nai mede sę menio, po wali.

Jeremaia 12:3

Tialima, Genuai Bidi, nago ena koneama, te eno tigidali kolesaga me konebao. Te nago eno homu kolesaga dagalubao, eno nageba haliga mu mubo, te nago konebo dao. Te eno homugo eno boi bidi dabe nago sela sąyao homu ebao, te bidi dabego sipsip elainogo sela pabo tiwai ebao. Te nago bodolu muani sogo, nago augwali ela muao.