Jopgo Po Asęani Elalubo Buku 22:2 - Godigo dwagi yai po buku

² “Da olo bidi dabego God tau sabo sę dabe ebo usugowe? Mu meni. Te koneai bidi dabe me usu egobeo.

Jopgo Po Asęani Elalubo Buku 22:2 Referans Kwoze

Dwagi Yai Gesi Po Lukgo Asęani 17:10

Te dage dali yaligiama, ‘Te sę yao’ po olama, tama te sę dagego silibo si, te po wao, ‘Da da, sę ebo bage naga dao. Dabolo dage usu da po olamuo. Dago nogode muani sę naga dago yalio,’ te po wao,” Jisasgo te po wali.

Godigo Nogi Ugwaba Sabo Tęąbi Po Wabo Buku Dabe 16:2

Eno Genuai Bidi Godibolo te po wai, “Nage eno genuai bidi dao. Tigidali dwagi yai nai eno tolalubo, te nai nago naga mabo nai dao,” wali.

Jopgo Po Asęani Elalubo Buku 21:15

Me ma, augwaligo e tama wabo, ‘God te Tigidali Bomo Elalubo, te dewe?’ wabo, ‘dago magi baso agaba lotu po weyu, aga dologode elaluaibawe? Tama dago ma agaba gedu haluasa po weyu da, dago mena dwagi yai nai saibawe?’ Augwaligo te tobage po wabo dao.

Matyu 5:29

Tama tibaso, nago dolo nogo badu elalubo gedugo nage te dwai sęgęba kegebaso da, teda nage hagaidali weyu nago te gedu gudama sąyao. Tama nago tigi me badu te tiwai hagabaso, te dwai dao. Tiali goli nago tigi sese bidibadi tama nago dwai sę edubaso da, teda augwaligo nago tigi sese te dwai dene sabo madiba sąwaibao. Te dwai mu dao.

Bugagia Bidibo Kolesagade Po Asęai Buku 9:12

Te nago wiegi yai homu kolesaga sobaso da, teda naga digi te naga wiegi yai bugagia ilibao. Tiali goli, nage te hagoma ebo bidi da, teda naga digi naga ma te dolobo dao.

Bomai Po 10:13

Tama megi dagego agai bomai po tigidali wali piąo, megi eno dagebolo mobao, te po. Dagego bugagia wali peyu da, teda dage bugagia mu bidaibao.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

Jopgo Po Asęani Elalubo Buku 7:17

“Da we bidi magi nai dao olama, nago da homu ebo dawe? Magi baso nago da tigidali sogo tonalubo dawe?

Jopgo Po Asęani Elalubo Buku 22:1

Jopgo po ola silibo si, te Elifas hanu Teman bidigo po wei ponoyu, e tama wali,

Jopgo Po Asęani Elalubo Buku 22:3

Nago homugo nago doloba pai kolesagago God Tigidali Bomo Elalubo Bidi agai yabo sę tau saibawe? Ma, nago dwagi yai kolesaga naga eyu da, nago homugo tego Godibolo dwagi yai ilaibawe? Mu meni.