Jopgo Po Asęani Elalubo Buku 22:16 - Godigo dwagi yai po buku

¹⁶ Augwali monu dabe isąbo sogo, deli sogo tama Godigo augwali silali dao. Augwali te be me te genuai wę sesegede elaluai, te wę asiyu, te be dolama, masigi dali, ni nami dali si, te węgo tolasa pabo tiwai yali.

Jopgo Po Asęani Elalubo Buku 22:16 Referans Kwoze

Jopgo Po Asęani Elalubo Buku 15:32

Tama augwali kibu be hauwa isiąbadi, polo isila paibao, te sagane ni bidigo gelai tiwai yaibao.

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

Tigidali Nai Gagalama Nigali Side 7:11

Te Noa te kibu be hauwa mu 600 bidama, tama te si wabo polua, dei 17 nogo si olama, sągągo a naga, me badu sągągo si tama side, te tǫ dologode te tigidali genuai wę dabe te sunumi dala pela silama, tama wę ugwaba pedelali. Tama dagalude me te tigidali dedage dala pelama, tama wę aiyaba gelalio.

Kolesaga Koneai Bidigo Pusali Po Elalubo Buku 7:17

Te me, dago te tobage dwai kolesaga me te wabo pabo bidi dabego ebo homu kolesaga wali pabo bomo mu igio. Tiyu, dago dena isabo sę asesa selebo sę bomo ebo dao.

Godigo Nogi Ugwaba Sabo Tęąbi Po Wabo Buku Dabe 102:24

Eno God, nage sesemane bidada peyu, bidada pobao. Nago megi ena me tagaligio. Ena monu dabe me ebeo, ena gesi bidi tigi me elalubao.

Godigo Nogi Ugwaba Sabo Tęąbi Po Wabo Buku Dabe 55:23

Tiali goli God, te nago te bidi ela mubo bidi dabe sela sąyu, tama te tibo po wabo bidi dabe me sela sąyu elama, tama augwali te dwai pesageba pelama, tama augwali hagawaibao. Te augwaligo bidabo sogo bodolu te me elalubadi, tama te augwali isaibao. Tiali goli, ena digi, teda eno konealubo homu nageba mu sesemane kęą paibao.

Jopgo Po Asęani Elalubo Buku 4:19

Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Jopgo Po Asęani Elalubo Buku 21:13

Tigidali sogo dwai bidi dabe augwali bugagia bidiyu ebo. Tama augwali isilama, isibo bidi dabego buluba painu ebo si da, augwali gasi elama, dene me eyu ebe,” wali.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Jopgo Po Asęani Elalubo Buku 24:18

“Dagego te tobage po wali, te dwai kolesaga ebo bidi dabe augwali bobobage sogo bidigobeo. Menio. Polo tama bomai wę aselama, augwali tolasa pali. Tama Godigo po obaso, augwaligo tǫ dolaibao. Tama augwa wain giba sę igi pabo bidi meni yaibao.

Godigo Nogi Ugwaba Sabo Tęąbi Po Wabo Buku Dabe 90:5

Nago te bidi dabe sela sąbo, te wę asiyu, bidi selama, tama augwali isibo tiwai yaibao. Augwali te pęwadage sogo bidiyu, te naa tiwai naga ebao. Augwali te gesi nosa te kigamu pedalubo tiwai elama,

Bugagia Bidibo Kolesagade Po Asęai Buku 10:27

Te nage Genuai Bidide wi eyu, aga dologode bidiyu, tama nago aga sesemane sogo wali pidu da, teda nage te tǫde sesabi elama bidaibao. Tiali digi, te dwai sę ebo bidi dabe te pęwadage sogo bidama, tama te augwali isaibao.

Aisaia 28:2

Mu tamao. Genuai Bidigo te bomai hani me deli polo nage elalumainu sa muanio. Te hani te bomai wali tiwai asaibao, tama me te tulubage te talua ge tulubage tulubo tiwai yaibao, tama augwaligo nage togolama, tǫba tula palaibao.

Jopgo Po Asęani Elalubo Buku 36:14

Te tama tiyu yaide, augwaligo dwai kolesaga te we bidi gabidide ebo dao. Tama tede augwali gesi bidi bidibadi tama isibo dao.