Jopgo Po Asęani Elalubo Buku 21:8 - Godigo dwagi yai po buku

⁸ Te bidi dabe augwa wai puluba dali wąį wai puluba dali si bidibo. Tama augwali bidiyu, augwa te wai puluba genuai ebo subo.

Jopgo Po Asęani Elalubo Buku 21:8 Referans Kwoze

Bugagia Bidibo Kolesagade Po Asęai Buku 17:6

Te bidi monu dabe pedelama, tama te aga ogwago wai te wąį elalubaso da, teda aga pemene yaibao, magi baso meni, te tebogo te we bidigo agaba te genuai nogi momainu ebao. Tama te wai dabego te augwa aya idade wiegi yai pemene eyu, gawebo dao.

Godigo Nogi Ugwaba Sabo Tęąbi Po Wabo Buku Dabe 17:14

Mu tama, Genuai Bidi, nago bomogo ena tau siyu, tama bidi dabe augwaligo ena siligobeo. Ena te tǫde nai naga sisinibo bidi dabe augwaligo nogode ma sao. Nago te dwai sę ebo bidi dabego kolesaga wei ponainogo sisi yai, tialima megi augwalibolo te sę yao. Tama augwaligo wai dabe dali me tiwai, tama augwaligo wąį dabe nosali pedalubode me tama naga tiwai sę yao.

Jopgo Po Asęani Elalubo Buku 20:28

Godigo augwali dali sębę mu yaibao. Te agai augwaligo dwai sęgę wei ponoyu da, teda augwaligo mone nai dabe sese hagala silaibao, te genuai wę asiyu, augwaligo nai dabe sese da selasa pabo tiwai yaibao. Tama deli me elalugobeo.

Jopgo Po Asęani Elalubo Buku 20:10

Tama aga wai pulubago augwa ayago wi sali nai te nai meni yai bidi dabebolo wei ponaibao. Te doado bage aga digi te nai meni yai bidide wi sali nai wei ponaibao.

Jopgo Po Asęani Elalubo Buku 18:19

Augwa hani da, mu hagawaibao. Tama augwa wai puluba, o augwa wegigo wai dabe augwa bulude me bidigobeo. Mu meni. Tigidali mu isila paibao.

Jopgo Po Asęani Elalubo Buku 21:9

Te dwai kolesaga ebo bidigo we wai dabe bugagia augwa bede bidibo. Tama magi nai mego augwali wi me ilibe, tama Godigo augwali dene me ilibe.

Aisaia 65:23

Augwa ebo sę te odolali me ela tagalogobeo. Te augwa wai dabe me doloyu, me egobeo, magi baso meni, augwaliba eno te wiegi yai sę bugagia yainu, te sa muani hani dabego wai dabe dao. Te eno augwaliba bugagia wiegi yai sę eyu, te augwa wai dabeba me, te augwa nosali bulabo wąį nǫų wai dabeba te tama tiaibao wali.