Jopgo Po Asęani Elalubo Buku 21:7 - Godigo dwagi yai po buku

⁷ “Magi baso Godigo dwai kolesaga ebo bidi dabe sula tagalama, tama augwali bugagia bidama, augwali monu dabe ebo da, agawe? Tama magi baso agai augwali genuai nogi selama, nai dabe hauwa elalumainu sula tagalaliwe?

Jopgo Po Asęani Elalubo Buku 21:7 Referans Kwoze

Jopgo Po Asęani Elalubo Buku 12:6

Tiali goli, nai wi sabo bidi dali, me te Godigo po sela sąbo bidi si da, augwali bidibo page da, dwagi yai dao. Augwa digi bomonama sulama, tama augwa bugagia bidibo page usu ilali. Tama tebogo augwaligo augwa god nigilali,” wali.

Godigo Nogi Ugwaba Sabo Tęąbi Po Wabo Buku Dabe 37:35

Eno suali, te dwai sę ebo bidigo genuai bomo elalubao, tama agai te we bidi dabe aiyaba elalu, te Lebanonde elalubo te moni ni sidago te gasa ni dabe aiyaba elalubo tiwai gilama ebo dao.

Habakuk 1:13

Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Godigo Nogi Ugwaba Sabo Tęąbi Po Wabo Buku Dabe 17:10

Augwaligo gasa bidi dali homu dene eyu, olo me tau sabeo. Augwaligo genuai po dągą weyu, tama augwa nogi naga ugwaba sabo dao.

Daniel 4:17

“Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Jopgo Po Asęani Elalubo Buku 9:24

Godigo dwai dwai kolesaga ebo bidigo e tǫ tonalumainu sula tagalai dao. Tama agai te po tų odobo bidigo kolesaga begelama, tama te po tų bugagia odobo meni. Ma, Godigo te sę dabe igi menigi sogo da, teda dego mu igi dawe?” Jopgo te po wali.

Jopgo Po Asęani Elalubo Buku 12:19

Agai te po ola mabo pris bidi dabe kolesaga punulama, tama augwa ugwa olo bilibo tiwai ebo dao. Tama agai augwaligo genuai nogi aiyaba elalubo dao.

Kolesaga Koneai Bidigo Pusali Po Elalubo Buku 8:14

Mu tama, augwaligo te tama po wabo dao, tiali goli eno suali, te gasa kolesaga pedalubo eno suali, te augwaligo po wali tiwai gilama pedalubeo, tama te kolesaga mu geda muani. Me sogo te doloba pai kolesaga ebo bidi te dwai dene sali, te dwai bidi dabego sabo sę usu te doloba pai bidigo saibao. Tialima, te dwai sę ebo bidi dabego te doloba pai bidi dabego sabo sę usu te augwaligo sali. Te tama tebo kolesaga te aga page meni yai elalubo dao.

Kolesaga Koneai Bidigo Pusali Po Elalubo Buku 7:15

Eno bidibo ula te olo nai tiwai elalubao, tialima ena te tǫde bidibo sogo eno te haniani kolesaga ebo suali. Eno suali, bidi mebago doloba pai kolesaga wali pali, tiali goli te bidi dabe augwali isalio. Te bidi mebago dwai kolesaga ebo eno suali, tiali goli augwali bobage sogo sesabi elama, bidibo dao.