Jopgo Po Asęani Elalubo Buku 21:15 - Godigo dwagi yai po buku

¹⁵ Me ma, augwaligo e tama wabo, ‘God te Tigidali Bomo Elalubo, te dewe?’ wabo, ‘dago magi baso agaba lotu po weyu, aga dologode elaluaibawe? Tama dago ma agaba gedu haluasa po weyu da, dago mena dwagi yai nai saibawe?’ Augwaligo te tobage po wabo dao.

Jopgo Po Asęani Elalubo Buku 21:15 Referans Kwoze

Ma Dobola Sali 5:2

Tiali goli te tuni bidigo te po wai, “Genuai Bidi Yawe de dawe? Magi baso eno agai po odolama, te dage Israel hani pomainogo yaibawe? Eno te Genuai Bidi Yawe konebeo, tama tiyu, eno dage pagameo te po wagobeo,” wali.

Jopgo Po Asęani Elalubo Buku 34:9

Agai te tobage kolesaga dabe ebo dao. Magi baso meni. Agai e tama po wali, ‘Ma, dago yaide God wei ebo kolesaga dabe eyu da, dago mena dwagi yai nai saibawe? Eno homugo te meni yaiba.’ Agai te tobage po wai dao,” wali.

Aisaia 45:19

Ena geme dualalu, digibulu me bidibeo, ena te be hulia sai pesagede, digibulu geme me dualalu, te eno po pusubeo. Te eno ena we bidi dabe, te Israel dabeba, te tiwai po weyu, ‘Dagego ena te olo bulu pesagede gegebo sę odolali yao,’ wabeo. Menio. Ena Genuai Bidi, eno te mu po naga pusubo dao, te eno po tigidali dolo wabo dao,” wali.

Aisaia 30:11

Dage digibulu mu bidiyu, tama dago sunumi paligimio. Dago te Israel dabego Godigo po odobo da hagela ebao. Aga te Wiegi Yai Doloba Pai Kolesaga Naga Ebo God dao,” wali.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Godigo Nogi Ugwaba Sabo Tęąbi Po Wabo Buku Dabe 12:4

Te bidi dabego te tama po wai, “Te dena digi dena homugo po waibao,” wai. “Te mena bidi mego da me paligobeo,” wali. “Dego da tonalubo dawe?”

Jopgo Po Asęani Elalubo Buku 35:3

Me ma, nago e tama po wali, ‘God, ma eno dwai kolesaga isąma yali da, tego nage mena tama tau saibawe? Tama mena tama dwagi yai nai nageba pedalaibawe?’ Nago Godibolo te tobage po wali te dolo menio,” wali.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Hosea 13:6

Tialima, nosali dage te wiegi yai tǫba sabalubo sogo, te dage nai pągąna pelama, te dage tigidali nai usu yali. Dagego te nai sela selama da, tama dagego te homu yali, te duga bomogo digi dagego te nai sali homu yai. Tama tiyu, dagego ena homu kone gegeda palubao,” wai.

Dwagi Yai Gesi Po Jongo Asęani 16:24

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

Jopgo Po Asęani Elalubo Buku 22:17

Te bidi dabe augwaligo Godibolo e tama wali, ‘Nago da tagalama, naga pa,’ me ma augwaligo e tama wali, ‘God Tigidali Bomo Elalubo Bidigo dade magi sę mu ebo usugowe?’

Godigo Nogi Ugwaba Sabo Tęąbi Po Wabo Buku Dabe 73:13

Ena bugagia tonalubaso, tama eno haliga te wiegi yai elaluali, tama eno te dwai sę meba me ebeo. Te tiali sę te odolali hagawaibao, agawe?

Jeremaia 9:6

Te we bidi nage augwali tomode bidibo bage, augwaligo te gasa bidi aiyaba elalubo sę bomo eyu, te tobage tibo po wabo kolesaga eyu ebao. Tama augwa te ena Genuai Bidiba homu kęą pabeo,” Genuai Bidigo digi te po wali.

Jopgo Po Asęani Elalubo Buku 22:3

Nago homugo nago doloba pai kolesagago God Tigidali Bomo Elalubo Bidi agai yabo sę tau saibawe? Ma, nago dwagi yai kolesaga naga eyu da, nago homugo tego Godibolo dwagi yai ilaibawe? Mu meni.

Malakai 3:14

‘Magi baso dago agai po wali pobawe? Te Tigidali Bomo Elalubo Genuai Bidigo gedude dago dena yali dwai sęde homu dene yali, tiali goli agai daba te wiegi yai nai deli wei me ponobeo. Tialima, magi baso dago olodali homu dene yaibawe?’ te po walio.