Jopgo Po Asęani Elalubo Buku 2:7 - Godigo dwagi yai po buku

⁷ Tama tibaso, te dwai Satango Genuai Bidigo te po odasa, Genuai Bidi taga peyu, te Jopgo tigide dili keni tiwai hauwa mu ela bibideli pali.

Jopgo Po Asęani Elalubo Buku 2:7 Referans Kwoze

Bomai Po 28:35

Tama Genuai Bidigo dagego sągą dabede dwai keni hauwa pedalomainu yaibao. Tama dili keni dabe dagego tigi sese tamade emainogo ilaibao. Tama te keni olama, tama pedela sabo sunumi mu menia saibao,” wali.

Aisaia 1:6

Te kenigo agai toboludu gagalama, sągąba usu nigi pali, tama agai tigiwali olo me elalubeo. Te haniani kenigo agai tigide pągąnama, tama agai tigi deda pali. Augwaligo agai tigi penama agai keni sįsibeo. Te augwaligo madasin me pilibeo.

Jopgo Po Asęani Elalubo Buku 30:30

Eno tigi husugu gadia selama, mu wa pali. Tama eno tigiwali tologa pelama, tutulaluali. Tama gasigo eno tigi posolo mu ilibo.

Bomai Po 28:27

Tama Genuai Bidigo dili keni dagego tigide emainu yaibao, te agai Isip bageba yali gilama. Tama agai dagego tigide diluai keni dabe pedalomainogo yaibao. Te buluba keni dagego tigide pedelemainu elama, tama dagego kębo sę yaibao. Tiali goli, te gasi usu ma ilabo sunumi mu meni yaibao.

Kraisgo Geme Dualali Sę Pedelabo Po Jonbolo Ola Mani 16:11

Augwaligo homugo te dene me te keni augwali si dali homu eyu, augwaligo te dagalude bidibo God nogide posobo dwai po wai. Tiali goli augwaligo homu begelama te augwaligo dwai kolesaga ebo tagalama tudiba mubeo.

Aisaia 3:17

Tama tibaso, ena Genuai Bidi eno te Saion hanu we dabe dene mawaibao. Eno augwaligo tobolude keni pągąna pomainu yaibao. Tama augwaligo tobolu nisi ma menia saibao,” wali.

Jopgo Po Asęani Elalubo Buku 7:5

Eno tigi tigide elalubo kenide te sawi pulai elalubo. Bomai tigi waligo te keni halubo dao, tama te keni dabe olo tigi wali pepeda pelama, tigidali tigide tilama, keni di pedalobo dao.

Te Israel me Juda Hani Sigo Tuni Bidigo Po Elalubo Buku Deli 22:22

Te Genuai Bidigo agaba hanalu wai, ‘Nago te Ahap mena tama tųba geanobo po waibawe?’ Tialima, te mobo noma bidigo Genuai Bidiba te tama po wali, ‘Te ena pelama, te Ahap aga profet dabego digi aga tibo po momainogo ilaibao.’ Tama Genuai Bidigo te noma mobo bidibolo te tiwai po wali, ‘Nage pelama, aga geanobo po wagi pao, te agai nago poba homu mueibao,’ Genuai Bidigo te po wai,” Mikaiago te tiwai wali.

2 Samuel 14:25

Apsalom te gasa sawi yai bidi mu, tama aga tigide te keni keni yali masalu deli me elalusiąwani. Te Israel bidi me deli te Apsalomgo gesabidi sawi yai tiwai me elalusiąwai, tama te Israel augwa te aga suabo homu elama, te wiegi yai homu pemene mu yai dao.

Jopgo Po Asęani Elalubo Buku 2:6

Te po obaso, Godigo agabolo te po wali, “Eno aga nago nogode e tagalobao. Nago agai tigide magi sę me yabo homu ebaso da, yao. Tiali goli, nago aga mu isilamo dao,” Godigo te po wai.

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Jopgo Po Asęani Elalubo Buku 1:11

Tama ma, nago agai te nai dolama, sela sąbo si da, teda nago suaibao, agai nago gesabidide dwai po waibao,” Satan haubo bidigo te po wai.